عمران عباس نے اداکاری کیوں چھوڑی؟ وجہ سامنے آگئی
پاکستانی شوبز انڈسٹری کے معروف اداکار عمران عباس نے ٹیلی ویژن ڈراموں سے کنارہ کشی اختیار کرنے کی وجہ بتاتے ہوئے اپنے نئے کاروبار سے متعلق اہم انکشاف کیا ہے۔
حال ہی میں اداکار نے مشی خان کے مارننگ شو میں ٹیلی فون پر گفتگو کرتے ہوئے بتایا کہ وہ اب ٹی وی ڈراموں میں کام نہیں کر رہے اور اپنی توجہ دوسرے شعبوں پر مرکوز کر چکے ہیں۔
عمران عباس نے بتایا کہ وہ پیشے کے اعتبار سے آرکیٹیکٹ بھی ہیں اور اب رئیل اسٹیٹ کے کاروبار سے وابستہ ہو گئے ہیں۔
اداکار کے مطابق وہ اسلام آباد ایئرپورٹ کے قریب ممتاز سٹی میں 12 منزلہ عمارت ’ایری‘ تعمیر کر رہے ہیں، جس کی تکمیل میں تقریباً ڈھائی سال لگیں گے۔
عمران عباس نے مزید کہا کہ ان کے والدین انتقال کر چکے ہیں اور ان کی کوئی اولاد نہیں، اس لیے وہ فلاحی سرگرمیوں میں بھی حصہ لے رہے ہیں۔
اداکار کے مطابق وہ دوسروں کے لیے ایسے کام کرنا چاہتے ہیں جو آخرت میں ان کے لیے فائدہ مند ثابت ہوں۔