رونالڈو کا 982واں گول بڑے تنازع کا شکار، 1000 ہزار گولز کی دوڑ کا معاملہ الجھ گیا
پرتگال کے اسٹار فٹبالر کرسٹیانو رونالڈو کے کیریئر کے 982ویں گول پر تنازع کھڑا ہوگیا۔
تفصیلات کے مطابق سعودی پرو لیگ نے گول کا سہرا رونالڈو کے سر باندھا جبکہ چار معروف فٹبال ڈیٹا پلیٹ فارمز نے اسے حریف کھلاڑی کا اون گول قرار دیا ہے۔
النصر نے جمعے کو الفیصلی کو 1-3 سے شکست دی۔ میچ کے 49ویں منٹ میں جواؤ فیلکس کی فری کک پر گیند رونالڈو اور الفیصلی کے دفاعی کھلاڑی آندرے جیروٹو کے درمیان سے گزرتے ہوئے جال میں جا پہنچی۔
رونالڈو نے فوری طور پر اپنا مشہور ’سیو‘ جشن منایا تاہم ویڈیو ری پلے سے واضح نہیں ہوسکا کہ گیند ان سے ٹکرائی تھی یا نہیں۔
اوپٹا، سوفا اسکور، فوٹ موب اور فلیش اسکور نے اس گول کو جیروٹو کے کھاتے میں ڈالا ہے جس کے مطابق رونالڈو کے کیریئر گولز کی تعداد 981 بنتی ہے۔
🇵🇹🇸🇦 Cristiano Ronaldo celebrated what he thought was career goal No. 982, only for some football statistics platforms to CREDIT IT AS AN OWN GOAL.
— Mario Nawfal (@MarioNawfal) October 24, 2026
The Al Nassr superstar headed in a cross from João Félix, but the ball deflected off Al Faisaly defender Andrei Girotto before…
دوسری جانب سعودی پرو لیگ کے سرکاری ریکارڈ اور ریفری کی رپورٹ کے مطابق گول رونالڈو ہی کا ہے۔
رونالڈو نے 52ویں منٹ میں ایک اور گول کیا، لیکن وی اے آر کے ذریعے آف سائیڈ قرار دے کر اسے مسترد کردیا گیا۔
Ronaldo scores again pic.twitter.com/57uLRyPF7X
— 𝐃𝐢𝐬𝐜𝐮𝐬𝐬𝐢𝐧𝐠𝐑𝐨𝐧𝐚𝐥𝐝𝐨 (@Ronaldoverse_) October 23, 2026
سعودی لیگ کے حساب سے رونالڈو تاریخی 1000 گولز کے سنگ میل سے صرف 18 گول دور ہیں جبکہ اوپٹا کے مطابق انہیں مزید 19 گول درکار ہیں۔