ڈکیتی کے ملزم کو 11سال قید کی سزا

ایڈیشنل ڈسٹرکٹ اینڈ سیشن جج جنوبی شاہد حسین چانڈیو نے ڈکیتی کے دوران مزاحمت کرنے پرمدعی کو زخمی کرنے کے الزام میں ملوث ملزم امان اﷲ کو جرم ثابت ہونے پر 11برس قید اور 10ہزار روپے جرمانے کی سزا سنائی ہے۔


استغاثہ کے مطابق 28دسمبر2009کو ملزم نے مدعی ادریس عباس کو اسلحے کے زور پر روکا تھا اور قتل کی دھمکی دیکر اس سے نقدی لوٹ لی تھی۔

موبائل فون چھینے پر مدعی نے مزاحمت کی تھی، ملزم نے فائرنگ کرکے اسے زخمی کردیا تھا فائرنگ کی آواز سن کر موجود لوگوں نے ملزم کو پکڑ لیا اور تھانہ میٹھا در کے حوالے کردیا تھا۔