لیپ ٹاپ کی تقسیم کے باعث جامعہ کراچی آج بند رہے گی امتحانات ملتوی
ن لیگی رہنما ماروی میمن تقریب میں مدعو ہیں، طلبا کی جانب سے گو نواز گو کے نعرے لگانے کا بھی خدشہ
ایچ ای سی نے ساڑھے 3 ہزار طلبا کولیپ ٹاپ دینے کی منظوری دی، صرف170طلبا تقریب میں بلائے گئے ہیں۔ فوٹو: ایکسپریس/فائل
یونی ورسٹی کی انتظامیہ نے آج کولیپ ٹاپ تقسیم کرنے کی تقریب میں وفاقی حکومت کی رہنماکی آمد پر گو نواز گو کے نعروں کے خدشے پر یونیورسٹی بند کردی ہے۔
منگل کو صبح اور شام میں تدریسی عمل معطل، انتظامی دفاتر بند اور تمام امتحانات ملتوی کردیے گئے ہیں، جامعہ کراچی کی انتظامیہ نے وجہ بتائے بغیر منگل کوجامعہ کراچی بند کرنے کا اعلان کیا ہے، تدریسی عمل معطل ہونے سے تاخیر کے شکار تعلیمی سیشن کا ایک دن مزید ضائع ہوگا، ذرائع کے مطابق وزیراعظم لیپ ٹاپ اسکیم کے تحت لیپ ٹاپ تقسیم کرنے کی تقریب میں مسلم لیگ (ن) کی رہنما اور رکن قومی اسمبلی ماروی میمن آج دوپہر کو تقریب میں شریک ہورہی ہیں۔
جامعہ کراچی نے وزیراعظم کی صاحبزادی مریم نواز کولیپ ٹاپ تقسیم کرنے کی تقریب میں مدعو کیا تھا، تاہم اب ن لیگ کی رہنما ماروی میمن تقریب میں مدعو ہیں جن ساڑھے 3 ہزار طلبا کے اعزاز میں تقریب تقسیم ہورہی ہے ان میں سے ایم فل، پی ایچ ڈی کے صرف 170طلبہ وطالبات کوسماعت گاہ کلیہ فنون بلایاگیا ہے، لیپ ٹاپ لینے والے ایم فل اور پی ایچ ڈی طلبا کی تعداد ساڑھے 3 ہزار ہے، ایچ ای سی نے ساڑھے 3 ہزار طلبا کولیپ ٹاپ دینے کی منظوری دی ہے۔
یونیورسٹی انتظامیہ کو خدشہ تھا کہ اگر لیپ ٹاپ کی تقسیم کی تقریب میں وفاقی حکومت کے کسی نمائندے نے شرکت کی اور اس موقع پر تدریسی عمل جاری رکھا گیا توطلبا گو نواز گو کے نعرے لگاسکتے ہیں لہٰذا وائس چانسلر کو مشورہ دیا گیا کہ غیریقینی صورتحال سے بچنے کیلیے جامعہ کراچی ایک دن کے لیے بندکردی جائے، جامعہ کراچی کے سیکیورٹی ایڈوائزر پروفیسر زبیر نے تصدیق کی ہے کہ مسلم لیگی رہنما ماروی میمن کی آمد پر آج جامعہ کراچی بند رہے گی۔
منگل کو صبح اور شام میں تدریسی عمل معطل، انتظامی دفاتر بند اور تمام امتحانات ملتوی کردیے گئے ہیں، جامعہ کراچی کی انتظامیہ نے وجہ بتائے بغیر منگل کوجامعہ کراچی بند کرنے کا اعلان کیا ہے، تدریسی عمل معطل ہونے سے تاخیر کے شکار تعلیمی سیشن کا ایک دن مزید ضائع ہوگا، ذرائع کے مطابق وزیراعظم لیپ ٹاپ اسکیم کے تحت لیپ ٹاپ تقسیم کرنے کی تقریب میں مسلم لیگ (ن) کی رہنما اور رکن قومی اسمبلی ماروی میمن آج دوپہر کو تقریب میں شریک ہورہی ہیں۔
جامعہ کراچی نے وزیراعظم کی صاحبزادی مریم نواز کولیپ ٹاپ تقسیم کرنے کی تقریب میں مدعو کیا تھا، تاہم اب ن لیگ کی رہنما ماروی میمن تقریب میں مدعو ہیں جن ساڑھے 3 ہزار طلبا کے اعزاز میں تقریب تقسیم ہورہی ہے ان میں سے ایم فل، پی ایچ ڈی کے صرف 170طلبہ وطالبات کوسماعت گاہ کلیہ فنون بلایاگیا ہے، لیپ ٹاپ لینے والے ایم فل اور پی ایچ ڈی طلبا کی تعداد ساڑھے 3 ہزار ہے، ایچ ای سی نے ساڑھے 3 ہزار طلبا کولیپ ٹاپ دینے کی منظوری دی ہے۔
یونیورسٹی انتظامیہ کو خدشہ تھا کہ اگر لیپ ٹاپ کی تقسیم کی تقریب میں وفاقی حکومت کے کسی نمائندے نے شرکت کی اور اس موقع پر تدریسی عمل جاری رکھا گیا توطلبا گو نواز گو کے نعرے لگاسکتے ہیں لہٰذا وائس چانسلر کو مشورہ دیا گیا کہ غیریقینی صورتحال سے بچنے کیلیے جامعہ کراچی ایک دن کے لیے بندکردی جائے، جامعہ کراچی کے سیکیورٹی ایڈوائزر پروفیسر زبیر نے تصدیق کی ہے کہ مسلم لیگی رہنما ماروی میمن کی آمد پر آج جامعہ کراچی بند رہے گی۔