جیل افسران کے قتل کا مقدمہ درج تحقیق میں کوئی پیش رفت نہ ہوسکی

لاہور:
گلشن اقبال پولیس نے جیل افسران کے قتل کا مقدمہ انسداد دہشت گردی کی دفعہ کے تحت درج کرلیا ۔


پولیس کا کہنا ہے کہ تحقیقات میں فوری طور پر کوئی پیش رفت نہیں ہوسکی ہے ، تفصیلات کے مطابق ہفتہ کی شب نیپا چورنگی کے قریب اسسٹنٹ سپرنٹنڈنٹ جیل پیر مسعود جان سرہندی اور ڈپٹی سپرنٹنڈنٹ جیل عبدالرزاق عباسی کو فائرنگ کرکے ہلاک کردیا گیا تھا ، گلشن اقبال پولیس نے واقعے کا مقدمہ بجرم دفعہ 302/34 اور انسداد دہشت گردی کی دفعہ 7-ATA کے تحت نامعلوم ملزمان کے خلاف درج کیا ہے ، ڈی ایس پی گلشن اقبال الطاف حسین نے ایکسپریس کو بتایا کہ پولیس نے واقعے کی تفتیش کا آغاز کردیا ہے تاہم تحقیقات میں کوئی پیش رفت نہیں ہوسکی ہے۔