عارفانہ کلام سے چاہوں بھی تو دور نہیں رہ سکتی عابدہ پروین

عارفانہ کلام کی ملکہ عابدہ پروین نے کہا ہے کہ مجھے عارفانہ کلام سے محبت ہے ، آج مجھے جو مقام اور شہرت حاصل ہے وہ صرف اور صرف عارفانہ کلام کی بدولت ہے ۔


ایک انٹرویو کے دوران گفتگو کرتے ہوئے انھوں نے کہا کہ اگر میں چاہوں بھی تو عارفانہ کلام سے دور نہیں رہ سکتی ۔ انھوں نے کہا کہ عارفانہ کلام میں ایک اثر ہے اور جب بھی میں عارفانہ کلام پیش کرتی ہوں تو مجھ پر ناقابل بیان کیفیت طاری ہو جاتی ہے ۔