فرانس میں مسلم کمیونٹی نے مساجد کی تعداد دگنی کرنے کی اپیل کردی
ملک میں مسلمانوں کی تعداد کے تناسب میں مساجد کی کمی کے سبب مساجد کھچا کھچ بھر جاتی ہیں۔
فرانس میں مساجد کی تعداد 2200 ہے، جو ملک کی مسلم آبادی کے تناظر میں ناکافی ہے۔ فوٹو: فائل
فرانس میں مسلم کمیونٹی کے رہنما نے آئندہ 2 سال میں ملک میں مساجد کی تعداد دگنی کرنے کی اپیل کردی۔
عالمی میڈیا کے مطابق یہ اپیل فرانس کی جامع مسجد کے ناظم اور فرانسیسی مسلم کونسل کے صدر دلیل ابوبکر نے کی ہے۔ ان کا کہنا ہے کہ فی الحال فرانس میں مساجد کی مجموعی تعداد 2200 ہے، جو کہ ملک کی مسلم آبادی کے تناظر میں ناکافی ہے اور ان سے مسلمانوں کی ضرورت پوری نہیں ہوتی۔ انھوں نے کہا ملک میں مسلمانوں کی تعداد کے تناسب میں مساجد کی کمی کے سبب مساجد کھچا کھچ بھر جاتی ہیں اور اس مسئلے کا حل مساجد کی تعداد دوگنی کرنے میں ہے۔ دلیل ابوبکر نے کہاکہ 2 سال کے اندر اتنی ہی تعداد میں مزید مساجد اور تعمیر ہونی چاہئیں جتنی کہ ابھی موجود ہیں۔
عالمی میڈیا کے مطابق یہ اپیل فرانس کی جامع مسجد کے ناظم اور فرانسیسی مسلم کونسل کے صدر دلیل ابوبکر نے کی ہے۔ ان کا کہنا ہے کہ فی الحال فرانس میں مساجد کی مجموعی تعداد 2200 ہے، جو کہ ملک کی مسلم آبادی کے تناظر میں ناکافی ہے اور ان سے مسلمانوں کی ضرورت پوری نہیں ہوتی۔ انھوں نے کہا ملک میں مسلمانوں کی تعداد کے تناسب میں مساجد کی کمی کے سبب مساجد کھچا کھچ بھر جاتی ہیں اور اس مسئلے کا حل مساجد کی تعداد دوگنی کرنے میں ہے۔ دلیل ابوبکر نے کہاکہ 2 سال کے اندر اتنی ہی تعداد میں مزید مساجد اور تعمیر ہونی چاہئیں جتنی کہ ابھی موجود ہیں۔