دھاندلی کا ایک بھی ثبوت پیش نہیں کیا عمران شہنشاہیت چاہتے ہیں جاوید ہاشمی

سینئر سیاستدان جاوید ہاشمی نے کہا ہے کہ تحریک انصاف والے جوڈیشل کمیشن میں منظم دھاندلی کے حوالے سے ایک بھی ثبوت پیش نہیں کر سکے۔عمران خان بادشاہت ختم کرکے اس ملک میں اپنی شہنشاہیت قائم کرنا چاہتے ہیں۔


ان خیالات کا اظہار انھوں نے ہفتے کوپنجاب اسمبلی کے حلقہ 196 سے (ن) لیگ کے امیدوار رانا محمود الحسن کی حمایت کا اعلان کرنے کے موقع پر میڈیا سے گفتگو میں کیا۔ جاوید ہاشمی نے کہا کہ تحریک انصاف کے پاس کوئی سیاسی پروگرام نہیں ہے، میوزیکل موومنٹ ہے جو دم توڑ رہی ہے۔