سلمان بٹ کے کرکٹ کھیلنے پر تاحیات پابندی کا مطالبہ
6 ماہ تک دیگر2 پلیئرزکے رویے اور طرزِ عمل پر بھی پر نظر رکھنی چاہیے،اعجاز بٹ
عامرکو کم عمری کے سبب کپتان نے دباؤ ڈال کر ملوث کیا تھا، سابق چیئرمین ۔ فوٹو: ایکسپریس/فائل
سابق چیئرمین پی سی بی اعجاز بٹ نے اسپاٹ فکسنگ میں ملوث سابق کپتان سلمان بٹ کے کرکٹ کھیلنے پر تاحیات پابندی کا مطالبہ کر دیا، جب انگلینڈ میں یہ واقعہ ہوا اس وقت وہی بورڈ کے سربراہ تھے،تینوں پاکستانی کرکٹرز پر عائد پانچ سالہ پابندی منگل کو ختم ہو چکی ہے۔
اعجازبٹ نے ایک برطانوی ویب سائٹ کوانٹرویو میں کہا کہ اسپاٹ فکسنگ اسکینڈل میں ملوث تینوں کھلاڑی برطانیہ میں سزا بھگت چکے لیکن پاکستان میں بھی انھیں سزا ملنی چاہیے، پی سی بی سلمان بٹ کو کھیلنے کی کسی صورت بھی اجازت نہیں دے، دیگر 2 کرکٹرز پر 6 ماہ تک نظر رکھنی چاہیے کہ ان کا رویہ اورطرزِ عمل کیسا ہے۔
انہوں نے کہا کہ اگر میں اس وقت بورڈ کا چیئرمین ہوتا توسلمان بٹ کو کبھی دوبارہ نہ کھیلنے دیتاکیونکہ اسپاٹ فکسنگ اسکینڈل میں وہی سب سے بڑے محرک تھے،محمد آصف کا قصور بھی کم نہیں تھا، البتہ محمد عامر کو ان کی کم عمری کے سبب مبینہ طور پر سلمان بٹ نے دباؤ ڈال کر ملوث کیا۔اعجاز بٹ نے کہا کہ میں نے متعدد بار عامر کو سمجھایا تھا کہ تمام حقیقت سے آگاہ کر کے اپنی غلطی کا اعتراف کر لیں لیکن وہ انکار کرتے رہے۔
انہوں نے برطانوی خاتون وکیل کے بجائے اپنے کسی پاکستانی وکیل کی خدمات حاصل کرنے کو فوقیت دی۔اعجاز بٹ نے کہا کہ بطور کرکٹرز ایجنٹ کام کرنے والا مبینہ بک میکرمظہرمجید کافی عرصے سے پاکستانی کھلاڑیوں سے رابطے میں تھا، جس کرکٹر سے بھی اس کے متعلق بات کی جاتی یہی جواب ملتا کہ اسے سینئرز نے مظہر مجید سے ملوایا تھا۔
اعجاز بٹ نے کہا کہ اسپاٹ فکسنگ سکینڈل میں سارا قصور پاکستانی کرکٹرزکا تھا، بحیثیت چیئرمین بورڈ میں نے اس واقعے کی ذمہ داری قبول کی تھی۔اعجاز بٹ نے کہا کہ میں آج بھی پی سی بی سے اس اسکینڈل کے بارے میں اہم معلومات کا تبادلہ کرنے کے لیے تیار ہوں۔
اعجازبٹ نے ایک برطانوی ویب سائٹ کوانٹرویو میں کہا کہ اسپاٹ فکسنگ اسکینڈل میں ملوث تینوں کھلاڑی برطانیہ میں سزا بھگت چکے لیکن پاکستان میں بھی انھیں سزا ملنی چاہیے، پی سی بی سلمان بٹ کو کھیلنے کی کسی صورت بھی اجازت نہیں دے، دیگر 2 کرکٹرز پر 6 ماہ تک نظر رکھنی چاہیے کہ ان کا رویہ اورطرزِ عمل کیسا ہے۔
انہوں نے کہا کہ اگر میں اس وقت بورڈ کا چیئرمین ہوتا توسلمان بٹ کو کبھی دوبارہ نہ کھیلنے دیتاکیونکہ اسپاٹ فکسنگ اسکینڈل میں وہی سب سے بڑے محرک تھے،محمد آصف کا قصور بھی کم نہیں تھا، البتہ محمد عامر کو ان کی کم عمری کے سبب مبینہ طور پر سلمان بٹ نے دباؤ ڈال کر ملوث کیا۔اعجاز بٹ نے کہا کہ میں نے متعدد بار عامر کو سمجھایا تھا کہ تمام حقیقت سے آگاہ کر کے اپنی غلطی کا اعتراف کر لیں لیکن وہ انکار کرتے رہے۔
انہوں نے برطانوی خاتون وکیل کے بجائے اپنے کسی پاکستانی وکیل کی خدمات حاصل کرنے کو فوقیت دی۔اعجاز بٹ نے کہا کہ بطور کرکٹرز ایجنٹ کام کرنے والا مبینہ بک میکرمظہرمجید کافی عرصے سے پاکستانی کھلاڑیوں سے رابطے میں تھا، جس کرکٹر سے بھی اس کے متعلق بات کی جاتی یہی جواب ملتا کہ اسے سینئرز نے مظہر مجید سے ملوایا تھا۔
اعجاز بٹ نے کہا کہ اسپاٹ فکسنگ سکینڈل میں سارا قصور پاکستانی کرکٹرزکا تھا، بحیثیت چیئرمین بورڈ میں نے اس واقعے کی ذمہ داری قبول کی تھی۔اعجاز بٹ نے کہا کہ میں آج بھی پی سی بی سے اس اسکینڈل کے بارے میں اہم معلومات کا تبادلہ کرنے کے لیے تیار ہوں۔