ظفر گوہر کی قومی کرکٹ تربیتی کیمپ میں طلبی
اسٹیمنا بڑھانے کیلیے ہر کھلاڑی نے پریکٹس مکمل کرتے ہی میدان کے 5چکر بھی لگائے
اسٹیمنا بڑھانے کیلیے ہر کھلاڑی نے پریکٹس مکمل کرتے ہی میدان کے 5چکر بھی لگائے۔ فوٹو: فائل
KARACHI:
ڈوپنگ کی زد میں آنے والے یاسر شاہ کی جگہ ظفر گوہر کو قومی کرکٹ تربیتی کیمپ میں طلب کرلیا گیا، پہلی بار قذافی اسٹیڈیم لاہور میں تمام منتخب کرکٹرز اکٹھے ہوئے، اسٹیمنا بڑھانے کیلیے ہر کھلاڑی نے پریکٹس مکمل کرتے ہی میدان کے 5چکر بھی لگائے۔
تفصیلات کے مطابق قذافی اسٹیڈیم میں جاری قومی کرکٹ ٹیم کے تربیتی کیمپ میں کھلاڑیوں کی مشقوں میں تیزی آگئی، ڈوپنگ ٹیسٹ مثبت آنے سے قبل ہی انجری کا شکار ہونے والے یاسر شاہ موجود نہیں تھے، پی سی بی نے دورئہ نیوزی لینڈ میں ان کی عدم دستیابی کے پیش نظر ظفر گوہر کو طلب کرلیا گیا ہے،نوجوان اسپنر پیر کو ٹریننگ میں شامل نہیں ہوسکے اور منگل کو رپورٹ کرینگے۔
منتخب 26کرکٹرز میں سے 11نے قائد اعظم ٹرافی میچز کی وجہ سے تاخیر سے کیمپ جوائن کیا اور الگ ٹریننگ کررہے تھے، گزشتہ روز پہلی بارتمام کھلاڑی یکجا ہوئے، پنجاب اسٹیڈیم میں رننگ کا پروگرام بین الصوبائی انڈر 16ایتھلیٹکس چیمپئن شپ کی وجہ سے منسوخ کردیا گیا، بعد ازاں قذافی اسٹیڈیم میں وارم اپ کے بعد بھرپور ٹریننگ کا سلسلہ شروع ہوا، اس دوران ہیڈ کوچ وقار یونس اور معاون اسٹاف کی توجہ فٹنس پر مرکوز رہی، یواے ای میں انگلینڈ سے سیریز کے دوران کرکٹرز میں اسٹیمنا کی کمی محسوس ہوئی تھی، وکٹوں کے درمیان تیزی سے دوڑنے اور بڑے اسٹروکس کھیلنے کے بعد بیٹسمینوں نے وکٹیں گنوائیں، تھکاؤٹ کے شکار بولرز بھی آخری اوورز میں پٹتے رہے، ان مسائل پر قابو پانے کی کوشش ہو رہی ہے۔
کیمپ میں اس وقت 3 نیٹ موجود ہیں،ان میں سے ایک پر بولنگ مشین نصب اوروہاں محمد حفیظ، اسد شفیق اور دیگر نے پریکٹس کی،حنیف محمد انکلوژر کے پاس بیٹسمین اور بولرز اپنی صلاحیتیں نکھارنے میں مصروف رہے، اہم بات یہ تھی کہ پریکٹس مکمل کرنے والے ہر کرکٹر کو میدان کے 5چکر لگانے کیلیے کہا جاتا، اس ضمن میں کسی سینئریا جونیئر سے کوئی رعایت نہیں برتی گئی۔ ٹریننگ ختم ہونے کے بعد فیلڈنگ کوچ اور ٹرینر گرانٹ لیوڈن نے کرکٹرز کی بھرپور حوصلہ افزائی کیلیے پُرجوش انداز میں بات کی جس کے جواب میں پلیئرز نعرے لگاتے نظر آئے۔
ڈوپنگ کی زد میں آنے والے یاسر شاہ کی جگہ ظفر گوہر کو قومی کرکٹ تربیتی کیمپ میں طلب کرلیا گیا، پہلی بار قذافی اسٹیڈیم لاہور میں تمام منتخب کرکٹرز اکٹھے ہوئے، اسٹیمنا بڑھانے کیلیے ہر کھلاڑی نے پریکٹس مکمل کرتے ہی میدان کے 5چکر بھی لگائے۔
تفصیلات کے مطابق قذافی اسٹیڈیم میں جاری قومی کرکٹ ٹیم کے تربیتی کیمپ میں کھلاڑیوں کی مشقوں میں تیزی آگئی، ڈوپنگ ٹیسٹ مثبت آنے سے قبل ہی انجری کا شکار ہونے والے یاسر شاہ موجود نہیں تھے، پی سی بی نے دورئہ نیوزی لینڈ میں ان کی عدم دستیابی کے پیش نظر ظفر گوہر کو طلب کرلیا گیا ہے،نوجوان اسپنر پیر کو ٹریننگ میں شامل نہیں ہوسکے اور منگل کو رپورٹ کرینگے۔
منتخب 26کرکٹرز میں سے 11نے قائد اعظم ٹرافی میچز کی وجہ سے تاخیر سے کیمپ جوائن کیا اور الگ ٹریننگ کررہے تھے، گزشتہ روز پہلی بارتمام کھلاڑی یکجا ہوئے، پنجاب اسٹیڈیم میں رننگ کا پروگرام بین الصوبائی انڈر 16ایتھلیٹکس چیمپئن شپ کی وجہ سے منسوخ کردیا گیا، بعد ازاں قذافی اسٹیڈیم میں وارم اپ کے بعد بھرپور ٹریننگ کا سلسلہ شروع ہوا، اس دوران ہیڈ کوچ وقار یونس اور معاون اسٹاف کی توجہ فٹنس پر مرکوز رہی، یواے ای میں انگلینڈ سے سیریز کے دوران کرکٹرز میں اسٹیمنا کی کمی محسوس ہوئی تھی، وکٹوں کے درمیان تیزی سے دوڑنے اور بڑے اسٹروکس کھیلنے کے بعد بیٹسمینوں نے وکٹیں گنوائیں، تھکاؤٹ کے شکار بولرز بھی آخری اوورز میں پٹتے رہے، ان مسائل پر قابو پانے کی کوشش ہو رہی ہے۔
کیمپ میں اس وقت 3 نیٹ موجود ہیں،ان میں سے ایک پر بولنگ مشین نصب اوروہاں محمد حفیظ، اسد شفیق اور دیگر نے پریکٹس کی،حنیف محمد انکلوژر کے پاس بیٹسمین اور بولرز اپنی صلاحیتیں نکھارنے میں مصروف رہے، اہم بات یہ تھی کہ پریکٹس مکمل کرنے والے ہر کرکٹر کو میدان کے 5چکر لگانے کیلیے کہا جاتا، اس ضمن میں کسی سینئریا جونیئر سے کوئی رعایت نہیں برتی گئی۔ ٹریننگ ختم ہونے کے بعد فیلڈنگ کوچ اور ٹرینر گرانٹ لیوڈن نے کرکٹرز کی بھرپور حوصلہ افزائی کیلیے پُرجوش انداز میں بات کی جس کے جواب میں پلیئرز نعرے لگاتے نظر آئے۔