شعیب اختر نے آرتھر کو ازخود 8 ماہ کی ڈیڈ لائن دے دی
کوچ اس عرصے میں ٹیم کی کارکردگی میں بہتری نہ لاسکیں توگھرلوٹ جائیں، سابق پیسر
عمر اکمل اور احمدکے ساتھ کیریئر شروع کرنے والے اسٹارز بن چکے یہ وہیں موجود ہیں فوٹو: فائل
سابق فاسٹ بولر شعیب اختر نے نئے کوچ مکی آرتھر کو ازخود 8 ماہ کی ڈیڈ لائن دے دی، وہ کہتے ہیں کہ نئے ہیڈ کوچ اس عرصے میں پاکستان ٹیم کی کارکردگی میں بہتری نہ لاسکیں تو گھر واپس لوٹ جائیں۔
ان خیالات کا اظہار شعیب نے ایک انٹرویو میں کیا۔ سابق پیسر نے کہا کہ نئے کوچ مکی آرتھر کافی تجربہ کار اور وہ جنوبی افریقہ و آسٹریلیا جیسی بڑی ٹیموں کے ساتھ کام کرچکے، مگر میں سمجھتا ہوں کہ یہ جاننے کے لیے 8 ماہ بہت ہوں گے کہ وہ ٹیم پرفارمنس میں تبدیلی لاتے یا پھر اپنے سے پہلے والوں کی طرح گھر لوٹ جاتے ہیں، اس عرصے کے دوران ہم نے بہت اہم سیریز کھیلنی ہیں، اسی اندازہ ہوجائے گا کہ وہ ہمارے کرکٹ کھیلنے کے انداز کو نئی سمت دے پاتے ہیں یا پھر خود الوداع کہنے کا فیصلہ کرتے ہیں۔
شعیب نے کہا کہ آرتھر میں ہمارے کھلاڑیوں کا رویہ اور مائنڈ سیٹ تبدیل کرنے کی قابلیت ہے اس لیے میں کافی پُرامید ہوں۔ ڈسپلن کے نام پر کھلاڑیوں کو ڈراپ کیے جانے کے حوالے سے شعیب اختر نے کہا کہ اس کے بجائے ان میں احساس ذمہ داری پیدا کرنا زیادہ اہم ہے، میرے وقت میں بھی کچھ کھلاڑی ڈسپلن کی خلاف ورزی کرتے تھے مگر میچ والے دن ان کی پوری توجہ صرف کھیل پر مرکوز ہوتی تھی۔
دورہ انگلینڈ کیلیے ممکنہ کھلاڑیوں میں جگہ نہ بنا پانے والے عمر اکمل اور احمد شہزاد کے بارے میں شعیب اختر نے کہا کہ شروع میں ہم سب ان دونوں کو ٹیلنٹ کی وجہ سے سپورٹ کرتے، سراہتے اور حوصلہ دیتے تھے، مگر ان کے ساتھ دوسرے ممالک میں جن کھلاڑیوں نے کیریئر شروع کیا وہ اب ٹاپ پرفارمر بن چکے اور ان دونوں کا ابھی تک بہترین کھیل سامنے نہیں آیا ہے، دونوں کو اپنی ترجیحات پر نظر ثانی، کرکٹ پر پوری توجہ اور اپنے ٹیلنٹ سے انصاف کرنے کی ضرورت ہے۔
ان خیالات کا اظہار شعیب نے ایک انٹرویو میں کیا۔ سابق پیسر نے کہا کہ نئے کوچ مکی آرتھر کافی تجربہ کار اور وہ جنوبی افریقہ و آسٹریلیا جیسی بڑی ٹیموں کے ساتھ کام کرچکے، مگر میں سمجھتا ہوں کہ یہ جاننے کے لیے 8 ماہ بہت ہوں گے کہ وہ ٹیم پرفارمنس میں تبدیلی لاتے یا پھر اپنے سے پہلے والوں کی طرح گھر لوٹ جاتے ہیں، اس عرصے کے دوران ہم نے بہت اہم سیریز کھیلنی ہیں، اسی اندازہ ہوجائے گا کہ وہ ہمارے کرکٹ کھیلنے کے انداز کو نئی سمت دے پاتے ہیں یا پھر خود الوداع کہنے کا فیصلہ کرتے ہیں۔
شعیب نے کہا کہ آرتھر میں ہمارے کھلاڑیوں کا رویہ اور مائنڈ سیٹ تبدیل کرنے کی قابلیت ہے اس لیے میں کافی پُرامید ہوں۔ ڈسپلن کے نام پر کھلاڑیوں کو ڈراپ کیے جانے کے حوالے سے شعیب اختر نے کہا کہ اس کے بجائے ان میں احساس ذمہ داری پیدا کرنا زیادہ اہم ہے، میرے وقت میں بھی کچھ کھلاڑی ڈسپلن کی خلاف ورزی کرتے تھے مگر میچ والے دن ان کی پوری توجہ صرف کھیل پر مرکوز ہوتی تھی۔
دورہ انگلینڈ کیلیے ممکنہ کھلاڑیوں میں جگہ نہ بنا پانے والے عمر اکمل اور احمد شہزاد کے بارے میں شعیب اختر نے کہا کہ شروع میں ہم سب ان دونوں کو ٹیلنٹ کی وجہ سے سپورٹ کرتے، سراہتے اور حوصلہ دیتے تھے، مگر ان کے ساتھ دوسرے ممالک میں جن کھلاڑیوں نے کیریئر شروع کیا وہ اب ٹاپ پرفارمر بن چکے اور ان دونوں کا ابھی تک بہترین کھیل سامنے نہیں آیا ہے، دونوں کو اپنی ترجیحات پر نظر ثانی، کرکٹ پر پوری توجہ اور اپنے ٹیلنٹ سے انصاف کرنے کی ضرورت ہے۔