آئی پی ایل میچ کے دوران میدان میں کتا گھس آیا کھیل روکنا پڑ گیا

دہلی ڈیرڈیولز اور رائزنگ پونے سپر جائنٹس کے درمیان میچ کے دوران فیلڈ میں کتا گھس آیا جس کی وجہ سے کھیل کچھ دیر کے لیے رکا رہا۔


پونے کی اننگز کی پہلے ہی اوور میں کتے نے میدان میں انٹری دی جب کہ اسے پکڑنے کے لیے دوگرائونڈ مین بھی اس کے پیچھے بھاگے، تماشائیوں نے تالیاں بجاکر اس کتے اور گرائونڈ مین کے مقابلے کی داد دی، اس دوران ناتھن کولٹر نیل نے بھی کتے کو فیلڈ سے باہر کا راستہ دکھانے کی اپنی سی کوشش کی، بڑی مشکل سے اس کو باہر لے جایا جاسکا جس کے بعد دہلی کے ظہیر خان نے پہلے اوور کی آخری گیند پھینکی۔