2ماہ سے تنخواہیں نہ ملنے پر میونسپل ملازمین کی ہڑتال

دو ماہ سے تنخواہوں کی عدم ادائیگی کے خلاف میونسپل ملازمین نے بدھ کے روز کام چھوڑ ہڑتال کر کے تحصیل میونسپل آفس سے ریلی نکالی اور پریس کلب کے سامنے احتجاجی مظاہرہ کیا۔


اس موقع پر یونین کے صدر اکبر بھٹی کا کہنا تھا کہ دو ماہ سے میونسپل ملازمین کو تنخواہیں ادا نہیں کی گئیں جس کے باعث ملازمین کے گھروں میں فاقوں کی نوبت آگئی ہے۔

انہوں نے وزیر اعلٰی سندھ سے اپیل کی کہ میونسپل ملازمین کی تنخواہوں کو ادائیگی کے لیے فوری طور پر فنڈز ریلیز کیے جائیں بصورت دیگر ملازمین غیر معینہ مدت کے لیے ہڑتال پر چلے جائیں گے۔