شاہد آفریدی سے ایک غیر رسمی ملاقات
ہفتےکو کھانا میرے ساتھ نئے گھر میں کھانا ہے بھائی، میں نے اپنے کچھ ہی دوستوں کو ہی مدعو کیا ہے، کوئی بہانہ نہیں چلے گا
آپ سب میرے اچھے دوست ہیں، اِس لیے نئے گھر کی خوشی میں مدعو کرنا ضروری سمجھا۔ سب سے پہلے کچھ دین کی باتیں ہوں گی اُس کے بعد کھانا کھائیں گے۔‘‘
آفس میں کام کی مصروفیت تھی کہ یکدم فون کی گھنٹی بجی، میں نے اسکرین پر دیکھا تو شاہد آفریدی کی کال تھی،
اس کے بعد ناں کی تو کوئی گنجائش ہی نہیں تھی۔
جیسا کہ پہلے طے ہوا تھا کہ گھر کے قریب کی ایک مشہور جگہ پہنچ کر میں نے کال کی تو لوکیشن پتا چل گئی۔ بس جیسے ہی گھر پہنچا تو دیکھتے ہی منہ سے ماشاءﷲ کے الفاظ ادا ہوئے۔ شاہد آفریدی نے واقعی بہت خوبصورت گھر بنایا ہے، اندر جاتے ہی آفریدی اپنے روایتی انداز میں بغلگیر ہوئے، پی ایس ایل میچ کے دوران زخمی ہونے کی وجہ سے ان کے ہاتھ پر پٹی بندھی ہوئی تھی۔ جب میں وہاں پہنچا تو اُس وقت اُن کے بھائی مشتاق آفریدی سمیت چار، پانچ لوگ ہی موجود تھے۔ پہنچنے والوں میں سابق سٹی ناظم کراچی مصطفیٰ کمال، صحافی ماجد بھٹی، شاہد ہاشمی اور ایک کوئی اور صاحب تھے۔
تمام مہمان حضرات کو آفریدی گھر کے بیسمنٹ میں لے گئے، وہاں داخل ہوتے ہی ایک طرف یونس خان، سچن ٹنڈولکر، اے بی ڈی ویلئرز اور شین وارن کی دستخط شدہ فریم شرٹس نظر آئیں تو دوسری جانب ویرات کوہلی کی دستخط شدہ شرٹ فریم میں نصب تھی۔ بائیں جانب کی دیوار پر آفریدی کے وکٹ لینے کے بعد والے مشہور پوز کی بڑی پینٹنگ اور چند اہم مین آف دی میچ و دیگر ٹرافیز رکھی ہوئی تھیں۔ یہیں انہوں نے اپنی 10 نمبر والی پاکستانی شرٹ بھی فریم کراکر لگائی ہوئی تھی، ساتھ ایک کمرے میں اسنوکر ٹیبل رکھی تھی۔ جب ہم بیسمنٹ پہنچے تو وہاں چند بزرگ و دیگر مذہبی شخصیات بھی موجود تھیں۔
وہاں سب کی باتوں کا سلسلہ جاری رہا اور مہمان بھی آتے رہے۔ دیگر آنے والے مہمانوں میں سابق اسکواش اسٹار جہانگیر خان، سابق کپتان معین خان، صلاح الدین صلو، عبدالرقیب، ڈاکٹر جنید علی شاہ، گلوکار شہزاد رائے سمیت زندگی کے تمام شعبوں سے تعلق رکھنے والی معروف شخصیات شامل تھیں، وہاں آفریدی نے سب کو مخاطب کرتے ہوئے کہا کہ
پھر ایک باریش صاحب نے بہت اچھی دینی باتیں کیں، مجھے صحافی مرزا اقبال بیگ نے بتایا کہ وہ کسٹمز کے سابق ہاکی کھلاڑی جمشید سلطان ہیں جو اب تبلیغی سرگرمیوں میں مصروف رہتے ہیں۔ اِس گفتگو کے بعد باجماعت نماز ادا کی گئی اور پھر کچھ دیر بعد اوپر صحن میں کھانا شروع ہوا۔
کھانے میں باربی کیو سمیت مختلف ڈشز کا اہتمام کیا گیا تھا، اِس دوران بات چیت کا سلسلہ بھی چلتا رہا، شاہد آفریدی اور اُن کے بھائی مشتاق آفریدی سب کا بھرپور خیال رکھتے رہے، جس ٹیبل پر میں بیٹھا تھا وہاں معین خان اپنے مخصوص انداز میں لطائف سنا کر سب کے قہقہے لگوا رہے تھے۔ کھانے کے بعد میں نے گھڑی دیکھی تو اندازہ ہوا کہ کافی دیر ہوچکی ہے اور دوبارہ دفتر جا کر کام بھی کرنا تھا، میں نے شاہد آفریدی سے اجازت مانگی تو انہوں نے روک لیا کہ ابھی نہیں جانا گپ شپ لگاتے ہیں، میں نے انہیں آفس جانے کا بتا کر رخصت لی۔
وہاں سے جاتے ہوئے میں یہی سوچ رہا تھا کہ شاہد آفریدی کو اتنی عزت ملنے میں اہم کردار اُن کی منکسرالمزاجی کا بھی ہے۔ اُن سے مل کر کوئی یہ نہیں کہہ سکتا کہ یہ اتنا بڑا اسٹار ہے، شاید یہی وجہ ہے کہ ریٹائرمنٹ کے بعد بھی اُن کے مداحوں کی تعداد اب بھی برقرار ہے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں ہے۔
''ہفتے کو کھانا میرے ساتھ نئے گھر میں کھانا ہے بھائی، میں نے اپنے 20،25 دوستوں کو ہی مدعو کیا ہے، کوئی بہانہ نہیں چلے گا''
اس کے بعد ناں کی تو کوئی گنجائش ہی نہیں تھی۔
جیسا کہ پہلے طے ہوا تھا کہ گھر کے قریب کی ایک مشہور جگہ پہنچ کر میں نے کال کی تو لوکیشن پتا چل گئی۔ بس جیسے ہی گھر پہنچا تو دیکھتے ہی منہ سے ماشاءﷲ کے الفاظ ادا ہوئے۔ شاہد آفریدی نے واقعی بہت خوبصورت گھر بنایا ہے، اندر جاتے ہی آفریدی اپنے روایتی انداز میں بغلگیر ہوئے، پی ایس ایل میچ کے دوران زخمی ہونے کی وجہ سے ان کے ہاتھ پر پٹی بندھی ہوئی تھی۔ جب میں وہاں پہنچا تو اُس وقت اُن کے بھائی مشتاق آفریدی سمیت چار، پانچ لوگ ہی موجود تھے۔ پہنچنے والوں میں سابق سٹی ناظم کراچی مصطفیٰ کمال، صحافی ماجد بھٹی، شاہد ہاشمی اور ایک کوئی اور صاحب تھے۔
تمام مہمان حضرات کو آفریدی گھر کے بیسمنٹ میں لے گئے، وہاں داخل ہوتے ہی ایک طرف یونس خان، سچن ٹنڈولکر، اے بی ڈی ویلئرز اور شین وارن کی دستخط شدہ فریم شرٹس نظر آئیں تو دوسری جانب ویرات کوہلی کی دستخط شدہ شرٹ فریم میں نصب تھی۔ بائیں جانب کی دیوار پر آفریدی کے وکٹ لینے کے بعد والے مشہور پوز کی بڑی پینٹنگ اور چند اہم مین آف دی میچ و دیگر ٹرافیز رکھی ہوئی تھیں۔ یہیں انہوں نے اپنی 10 نمبر والی پاکستانی شرٹ بھی فریم کراکر لگائی ہوئی تھی، ساتھ ایک کمرے میں اسنوکر ٹیبل رکھی تھی۔ جب ہم بیسمنٹ پہنچے تو وہاں چند بزرگ و دیگر مذہبی شخصیات بھی موجود تھیں۔
وہاں سب کی باتوں کا سلسلہ جاری رہا اور مہمان بھی آتے رہے۔ دیگر آنے والے مہمانوں میں سابق اسکواش اسٹار جہانگیر خان، سابق کپتان معین خان، صلاح الدین صلو، عبدالرقیب، ڈاکٹر جنید علی شاہ، گلوکار شہزاد رائے سمیت زندگی کے تمام شعبوں سے تعلق رکھنے والی معروف شخصیات شامل تھیں، وہاں آفریدی نے سب کو مخاطب کرتے ہوئے کہا کہ
''آپ سب میرے اچھے دوست ہیں، اِس لیے نئے گھر کی خوشی میں مدعو کرنا ضروری سمجھا۔ سب سے پہلے کچھ دین کی باتیں ہوں گی اُس کے بعد کھانا کھائیں گے''
پھر ایک باریش صاحب نے بہت اچھی دینی باتیں کیں، مجھے صحافی مرزا اقبال بیگ نے بتایا کہ وہ کسٹمز کے سابق ہاکی کھلاڑی جمشید سلطان ہیں جو اب تبلیغی سرگرمیوں میں مصروف رہتے ہیں۔ اِس گفتگو کے بعد باجماعت نماز ادا کی گئی اور پھر کچھ دیر بعد اوپر صحن میں کھانا شروع ہوا۔
کھانے میں باربی کیو سمیت مختلف ڈشز کا اہتمام کیا گیا تھا، اِس دوران بات چیت کا سلسلہ بھی چلتا رہا، شاہد آفریدی اور اُن کے بھائی مشتاق آفریدی سب کا بھرپور خیال رکھتے رہے، جس ٹیبل پر میں بیٹھا تھا وہاں معین خان اپنے مخصوص انداز میں لطائف سنا کر سب کے قہقہے لگوا رہے تھے۔ کھانے کے بعد میں نے گھڑی دیکھی تو اندازہ ہوا کہ کافی دیر ہوچکی ہے اور دوبارہ دفتر جا کر کام بھی کرنا تھا، میں نے شاہد آفریدی سے اجازت مانگی تو انہوں نے روک لیا کہ ابھی نہیں جانا گپ شپ لگاتے ہیں، میں نے انہیں آفس جانے کا بتا کر رخصت لی۔
وہاں سے جاتے ہوئے میں یہی سوچ رہا تھا کہ شاہد آفریدی کو اتنی عزت ملنے میں اہم کردار اُن کی منکسرالمزاجی کا بھی ہے۔ اُن سے مل کر کوئی یہ نہیں کہہ سکتا کہ یہ اتنا بڑا اسٹار ہے، شاید یہی وجہ ہے کہ ریٹائرمنٹ کے بعد بھی اُن کے مداحوں کی تعداد اب بھی برقرار ہے۔
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں ہے۔
اگر آپ بھی ہمارے لئے اردو بلاگ لکھنا چاہتے ہیں تو قلم اٹھائیے اور 500الفاظ پر مشتمل تحریر اپنی تصویر، مکمل نام، فون نمبر، فیس بک اور ٹویٹر آئی ڈیز اور اپنے مختصر مگر جامع تعارف کے ساتھ blog@express.com.pk پر ای میل کریں۔