نئے فنکار معیاری کام کررہے ہیںبہروز سبزواری

اداکار بہروز سبزواری کا کہنا ہے کہ ہمارے نئے فنکار معیاری کام کررہے ہیں۔


ایک تقریب کے دوران نمایندہ ایکسپریس سے بات چیت کرتے ہوئے ان کا کہنا تھا کہ ہمارے لکھاریوں نے ڈرامے کی کہانیوں کو روایتی انداز سے مختلف کرتے ہوئے ان میں جدت پیدا کی ہے۔پاکستانی ڈرامے کے لیے جو لوگ کہتے تھے کہ اس کا خاتمہ ہوچکا ہے انھیں اپنے منہ کی کھانی پڑی ہے کیونکہ ہمارے نئے فنکاروں نے اپنے کام سے بتایا ہے کہ ہم کسی سے کم نہیں۔