سانحہ کراچی میں ملوث دہشتگردوں کوجلدگرفتارکرنیکی ہدایت

گورنر سندھ ڈاکٹرعشرت العباد خان کی زیرصدارت گورنر ہاؤس میں رینجرز ، پولیس اور انٹیلی جنس اداروں کا ہنگامی اجلاس منعقد ہوا ۔

جس میں گورنر سندھ نے عباس ٹاؤن دھماکے میں ملوث دہشت گردوں کو جلد سے جلد گرفتار کرنے کی ہدایت کی ۔ انھوں نے کہا کہ دہشت گردوں کے خلاف سندھ بھر میں کارروائی تیز کی جائے اوراس سلسلے میں انٹیلی جنس اداروں کی معلومات کا نظام مربوط بنائیں ۔ انھوں نے رینجرز اور پولیس کو انٹیلی جنس معلومات پر فوری کارروائی کرنے کی تاکید کی ۔




قبل ازیں برطانوی ہائی کمشنر ایڈم تھامسن نے گورنر ہاؤس میں گورنر سندھ ڈاکٹر عشرت العباد خان سے ملاقات کی ۔ اس موقع پر کراچی میں مقیم برطانوی ڈپٹی ہائی کمشنر فرانسس کیمبیل بھی موجود تھے ۔ ملاقات میں دوطرفہ تعلقات سمیت اہمیت کے حامل مختلف امور پر تبادلہ خیال کیا گیا۔