بھارتی ریاست مہاراشٹرا میں مٹی کا تودا گرنے سے 17 افراد ہلاک

مٹی کے تودے تلے 155 سے زائد افراد پھنسے ہوئے ہیں جس میں 61 خواتین اور60 بچے بھی شامل ہیں،مقامی حکام

ویب ڈیسک بدھ 30 جولائی 2014

موسلا دھار بارش کے باعث مٹی کا تودا گرنے سے 40 سے زائد مکانات ملبے تلے دب گئے،بھارتی میڈیا،فوٹو:فائل

پونے: بھارتی ریاست مہاراشٹرا کے گاؤں میں مٹی کا تودا گرنے سے 17 افراد ہلاک جبکہ 155 سے زائد ملبے تلے دب گئے۔

بھارتی میڈیا کے مطابق ریاست مہاراشٹرا کے شہر پونے کے گاؤں میں موسلا دھار بارش کے باعث مٹی کا تودا گر گیا جس کے نتیجے میں 40 سے زائد مکانات ملبے تلے دب گئے جس کے باعث 17افراد ہلاک ہوگئے۔ مقامی حکام کے مطابق مٹی کے تودے تلے 155 سے زائد افراد پھنسے ہوئے ہیں جس میں 61 خواتین اور60 بچے بھی شامل ہیں جس کے باعث ہلاکتوں میں اضافے کا خدشہ ہے،ریسکیو ٹیموں نے مقامی افراد کی مدد سےامدادی کارروائیاں شروع کردی ہیں۔