- کوئٹہ سریاب روڈ پر پولیس موبائل پر حملہ، جوابی کارروائی میں 3 دہشت گرد ہلاک
- مسافروں کی حفاظت کیلیے ہر گاڑی میں ایک اہلکار سوار ہوگا، وزیراعلیٰ بلوچستان
- لاہور میں قانون نافذ کرنے والے ادارے کی تیز رفتار گاڑی نے اکلوتے بچے کو کچل ڈالا
- گندم درآمد اسکینڈل، تحقیقاتی کمیٹی کی انوارالحق کاکڑ یا محسن نقوی کو طلب کرنے کی تردید
- فیصل کریم کنڈی نے گورنر کے پی کا حلف اٹھا لیا، وزیراعلیٰ کی تقریب میں عدم شرکت
- پاکستانی نژاد صادق خان ریکارڈ تیسری مرتبہ لندن کے میئر منتخب
- وفاقی حکومت 1.8 ملین میٹرک ٹن گندم خریدے گی، وزیراعظم
- باپ نے غیرت کے نام پر بیٹی اور پڑوسی کے لڑکے کو قتل کردیا
- شمالی وزیرستان میں سیکیورٹی فورسز کی کارروائی، 6 دہشت گرد ہلاک
- فواد چوہدری 9 مئی سے جڑے 8 مقدمات میں شامل تفتیش
- آڈیو لیکس کیس میں آئی بی، ایف آئی اے اور پی ٹی اے سربراہ کو توہین عدالت کے نوٹس جاری، جرمانہ عائد
- ملازمت کے امیدوار کا آجر کو سی وی دینے کا انوکھا طریقہ
- اے آئی ٹیکنالوجی ایمرجنسی صورتحال میں مفید نہیں، ماہرین
- ایف بی آر میں کرپٹ عناصر کو برداشت نہیں کیا جائے گا، وزیراعظم
- باکسر عامر خان کو پاک فوج نے اعزازی کیپٹن کے رینکس سے نواز دیا
- ایپل کی آئی فون صارفین کو مشکل سے نکالنے کے لیے کوشش جاری
- پی ٹی اے کا نان فائلرز کی سم بلاک کرنے سے انکار
- عالمی عدالت انصاف امریکا و اسرائیل کی دھمکیوں پر برہم، انصاف میں مداخلت قرار دے دیا
- صدر نے تین صوبوں کے گورنرز تعینات کرنے کی منظوری دیدی
- سی ایس ایس نتائج کا اعلان، کامیابی کی شرح 2.96 فیصد رہی
سندھ نے اشیا پر سیلز ٹیکس عائد کرنے کا اختیار صوبوں کو دینے کا مطالبہ کردیا
اسلام آباد: سندھ نے اشیا پر سیلز ٹیکس عائد کرنے اور وصول کرنے کا اختیار بھی صوبوں کو دینے کا مطالبہ کردیا ہے۔
حکام کے مطابق صوبہ سندھ کے اس مطالبے پرقومی مالیاتی کمیشن کے دوسرے ورکنگ گروپ کا اہم مشاورتی اجلاس منعقد کیا گیا، ورکنگ گروپ کا اجلاس سینیٹ کی قائمہ کمیٹی برائے خزانہ کے چیئرمین و ممبر قومی مالیاتی کمیشن سینیٹرسلیم مانڈوی والا کی سربراہی میں منعقد ہوا، اجلاس میں خیبرپختونخوا کے وزیر خزانہ سید مظفر شاہ، سندھ کے وزیر خزانہ مراد علی شاہ، بلوچستان کے ممبر قیصر بنگالی کے علاوہ سندھ اور پنجاب ریونیو اتھارٹیز کے چیئرمین سمیت چاروں صوبوں اور وفاقی حکومت کے نمائندوں نے شرکت کی۔ حکام کے مطابق اجلاس کے دوران صوبہ سندھ نے اشیا کے شعبے پر سیلز ٹیکس کی وصولی صوبوں کو منتقل کرنے کا مطالبہ کیا جبکہ سینٹرمانڈوی والا نے ورکنگ گروپ کی سفارشات کے حوالے سے کہا کہ ورکنگ گروپ نے تجویز دی ہے کہ اشیا کے شعبے پرسیلز ٹیکس کی وصولی صوبوں کو منتقل کی جائے، صوبے وصول شدہ ٹیکسز کو وفاقی حکومت کے سپرد کرسکتے ہیں جسے وفاقی حکومت قابل تقسیم محاصل سے صوبوں کو واپس منتقل کرسکتی ہے۔
ان کا کہنا تھا کہ ورکنگ گروپ کی سفارشات کے مطابق وفاقی حکومت سیلز ٹیکس کی زیادہ سے زیادہ وصولی کرنے والے صوبوں کواضافی مراعات سے نواز سکتا ہے۔ خیبرپختونخوا اور بلوچستان نے سندھ کے مطالبے کی حمایت کی۔ سینیٹر سلیم مانڈوی والا کا کہنا تھا کہ وفاقی حکومت این ایف سی ایوارڈ کے اجرا میں سنجیدہ نہیں ہے، وفاقی حکومت کی وجہ سے ورکنگ گروپ کا اجلاس دوبارملتوی ہوچکا ہے۔ ان کا کہنا تھا کہ بلوچستان کواین ایف سی ایوارڈ میں دی گئی ایک سال کی توسیع غیرقانونی ہے، وفاقی حکومت این ایف سی ایوارڈ پر فوری طور پر اجلاس بلائے اور بلوچستان کو این ایف سی ایوارڈ میں دی گئی ایک سال کی توسیع کا فیصلہ واپس لیا جائے۔ سلیم مانڈوی والا نے کہا کہ وفاقی حکومت اٹھارویں آئینی ترمیم کے تحت صوبوں کو وسائل منتقل کرے کیونکہ وفاقی حکومت اٹھارویں آئینی ترمیم پر عمل درآمد نہیں کررہی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔