- فرنچائزز کو معاوضوں پرملکی اسٹارز کے اعتراض کا خدشہ
- رواں مالی سال پاکستانی معیشت کی شرح نمو2 فیصد ہونیکی توقع ہے، اقوام متحدہ
- جون 2025 تک روپیہ اپنی قدر 18 فیصد کھو دیگا، آئی ایم ایف
- وزیراعظم کا بشکیک میں پاکستانی سفیرکوفون، طلبا کو مکمل مدد فراہم کرنے کی ہدایت
- مجھے پراکسی کہا گیا تو ثابت کرنا ہوگا، فیصل واوڈا
- کرغستان ہنگامہ آرائی میں ہلاکتوں کی خبر درست نہیں، بشکیک داخلہ امور سربراہ
- کرغزستان؛ مقامی وغیرملکی طلبہ میں ہنگامہ آرائی، پاکستانی طلبہ بھی زد میں
- آصفہ بھٹو زرداری کی رکن قومی اسمبلی بننے کے بعد بھٹو خاندان کے مزار پر حاضری
- افغانستان میں فائرنگ سے تین غیرملکی سیاح ہلاک
- ہیٹ ویو کی وجہ سے مارگلہ پہاڑیوں پر لگنے والی آگ شدت اختیار کرگئی
- کوٹلی ستیاں میں گاڑی کھائی میں گرنے سے چار افراد جاں بحق
- سرکاری املاک اور اداروں کا دفاع کرنا جانتے ہیں، وزیر اطلاعات کا وزیراعلیٰ کے پی کو جواب
- صنعتوں کو کم لاگت پر بجلی اور گیس کی فراہمی یقینی بنائیں گے، وزیراعظم
- عمران خان کی رہائی کیلیے احتجاج، پی ٹی آئی قیادت کا کارکنان سے لازمی شرکت کا حلف
- شدید گرمی کے پیش نظرپنجاب میں یکم جون سے موسم گرما کی تعطیلات کا اعلان
- وزیراعلیٰ پنجاب کی ٹرانسپورٹ کے کرایوں میں کمی کو یقینی بنانے کی ہدایت
- کراچی میں کال سینٹر میں فائرنگ سے میٹرک کا طالب علم جاں بحق
- پی آئی اے کی نجکاری میں اہم پیش رفت، 8 کاروباری گروپس کا اظہار دلچسپی
- ممبئی کے کالج میں حجاب اور برقع پر پابندی عائد
- بانی پی ٹی آئی کیخلاف ٹیریان کیس ایک سال بعد سماعت کیلیے مقرر
برسلزمیں یکے بعددیگرے 7 دھماکوں میں 35 افراد ہلاک، 200 سے زائد زخمی
برسلز: بیلجئم کے شاہی محل، ایئرپورٹ، میٹرو اسٹیشن اور یورپی یونین کے دفتر کے قریب 7 مختلف دھماکوں کے نتیجے میں 35 افراد ہلاک اور 200 سے زائد زخمی ہوگئے جب کہ دھماکوں کے بعد برسلز کا کنٹرول فوج نے سنبھال لیا۔
غیرملکی خبررساں ادارے کے مطابق بیلجئم کے دارالحکومت برسلز کے زیوینٹم ائیرپورٹ، رائل پیلس، میٹرواسٹیشن اور یورپی یونین کے دفتر کے قریب 7 مختلف دھماکوں میں 35 افراد ہلاک اور 200 سے زائد زخمی ہوگئے جس کے بعد فوج نے شہر کا کنٹرول سنبھالتے ہوئے برسلز اور اس کے گرد و نواح میں کرفیو نافذ کردیا۔ حکومت نے نیشنل سیکیورٹی کونسل کا اجلاس بھی طلب کرلیا جو کہ ملکی تاریخ میں پہلی مرتبہ طلب کیا گیا ہے، سیکیورٹی اداروں نے بیلجئم فرانس سرحد بند کرتے ہوئے ایئرپورٹ کی قریبی عمارتیں اور یورپی یونین کے دفاترخالی کرالئے اور موبائل فون سروس بھی معطل کردی۔
برسلزکے زیونٹم ایئرپورٹ کے ڈیپارچر ہال میں امریکی کاؤنٹر کے قریب 2 زورداردھماکے ہوئے جس کے نتیجے میں 17 افراد ہلاک اورمتعدد زخمی ہوگئے جب کہ ایئرپورٹ دھماکوں کے آدھے گھنٹے بعد یورپی یونین انسٹی ٹیوشن کے قریب میٹرومال بیک اسٹیشن پر بھی یکے بعدیگرے زور دار 2 دھماکے ہوئے جس میں 10 افراد ہلاک اور کئی زخمی ہوگئے، وقفے وقفے سے دھماکوں کا سلسلہ بڑھتا گیا اور یورپی یونین کے دفتر کے قریب دھماکے کے بعد صدارتی محل کے قریب بھی 2 دھماکے ہوئے۔ دھماکوں کے بعد ملک بھر میں سیکیورٹی ہائی الرٹ کرتے ہوئے تمام میٹرواسٹیشن اور فضائی آپریشن بند کردیئے گئے۔
There have been 2 explosions at the airport. Building is being evacuated. Don't come to the airport area.
— Brussels Airport (@BrusselsAirport) March 22, 2016
حکام کے مطابق برسلز کے زیوینٹم ایئرپورٹ پر دونوں دھماکے ڈیپارچر ہال میں امریکی کاؤنٹر کے قریب ہوئے جس کے بعد بھگدڑ مچ گئی،دھماکوں کے بعد سیکیورٹی فورسزکی بھاری نفری ائیرپورٹ پہنچ گئی اوروہاں موجود افراد کو محفوظ مقام پر منتقل کرنے کے بعد سرچ آپریشن شروع کردیا گیا جب کہ فوج اور دیگر قانون نافذ کرنے والے اداروں نے ایئرپورٹ کو گھیرے میں لے کر دیگر ہوائی اڈوں پر بھی ہائی الرٹ جاری کردی۔ مقامی میڈیا کے مطابق زیونٹم ایئرپورٹ سے دوران سرچ آپریشن 3 خودکش جیکٹس بھی برآمد کی گئیں جب کہ مقامی ٹی وی نے دعویٰ کیا ہے کہ ایئرپورٹ پر ہونے والا دھماکا خودکش تھا۔
دوسری جانب دھماکوں کے خطرے پیش نظر ایئرپورٹ کے اطراف چلنے والی میٹرو سروس کو بھی معطل کردیا گیا تھا تاہم ایئرپورٹ پر دھماکوں کے آدھے گھنٹے بعد میٹروٹرین کے مال بیک اسٹیشن پربھی یکے بعدیگرے 2 دھماکے ہوئے، حکومت نے عوام کے لئے ہدایت جاری کی ہیں کہ اگر وہ گھروں پر موجود ہیں تو وہیں رہیں اور اگر دفاتر میں ہیں تو بھگدڑ کے بجائے اپنے دفاتر میں موجود رہیں۔ بیلجئم کی وفاقی پولیس کے مطابق برسلز ایئرپورٹ دھماکوں کے بعد فرانک فرٹ ایئرپورٹ اور مصروف ترین مقامات کی سیکیورٹی مزید سخت کردی گئی جب کہ ٹرانسپورٹ حکام نے دھماکوں کے بعد میٹرو، ٹرام اور بس سروس معطل کردی۔
All public transport in #Brussel is closed. Metro and train stations closed. Stay where you are. #zaventem
— CrisisCenter Belgium (@CrisiscenterBE) March 22, 2016
بیلجئم حکومت نے اب تک دھماکوں میں ہلاکتوں کی تصدیق نہیں کی تاہم برسلز کے ٹرانسپورٹ حکام کے مطابق میٹرو اسٹیشن پر دھماکے میں 15 افراد ہلاک اور 55 زخمی ہوئے جب کہ زخمیوں میں سے کئی کی حالت تشویشناک ہے۔ مقامی میڈیا کے مطابق ایئرپورٹ پر ہونے والے 2 دھماکوں میں 13 افراد ہلاک اور 81 زخمی ہوئے اور زخمیوں کو طبی امداد فراہم کی جارہی ہے۔
بیلجیئم کے وزیراعظم چارلس مچل نے دھماکوں کی مذمت کرتے ہوئے کہا ہے کہ حملے بزدلانہ فعل ہیں اور آج کا دن ملکی تاریخ کا افسوسناک دن ہے، ایسے لمحے میں پوری قوم سے یکجہتی کا مطالبہ کرتا ہوں۔
برطانوی وزیراعظم ڈیوڈ کیمرون نے سماجی رابطے کی ویب سائٹ ٹوئٹر پر برسلز دھماکوں کے حوالے سے کہا کہ برسلز ایئرپورٹ دھماکوں نے چونکا دیا ہے اور مشکل کی اس گھڑی میں جس طرح ممکن ہوسکا بیلجئم کی مدد کریں گے۔
I am shocked and concerned by the events in Brussels. We will do everything we can to help.
— David Cameron (@David_Cameron) March 22, 2016
دوسری جانب وزیراعظم نوازشریف اور صدر ممنون حسین کی جانب سے برسلز دھماکوں کی شدید الفاظ میں مذمت کی گئی ہے۔ صدر اور وزیراعظم کی جانب سے جاری بیان میں کہا گیا ہےکہ دنیا کو دہشت گردی کے خلاف مشترکہ کوششیں کرنی چاہئیں، کوئی مذہب قتل عام کی ظالمانہ اور غیر انسانی کارروائیوں کی اجازت نہیں دیتا۔
واضح رہے کہ 4 روز قبل بیلجئم پولیس نے برسلز میں کارروائی کرکے پیرس حملوں کے مرکزی ملزم صالح عبدالسلام کو گرفتار کرلیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔