- کوئٹہ سریاب روڈ پر پولیس موبائل پر حملہ، جوابی کارروائی میں 3 دہشت گرد ہلاک
- مسافروں کی حفاظت کیلیے ہر گاڑی میں ایک اہلکار سوار ہوگا، وزیراعلیٰ بلوچستان
- لاہور میں قانون نافذ کرنے والے ادارے کی تیز رفتار گاڑی نے اکلوتے بچے کو کچل ڈالا
- گندم درآمد اسکینڈل، تحقیقاتی کمیٹی کی انوارالحق کاکڑ یا محسن نقوی کو طلب کرنے کی تردید
- فیصل کریم کنڈی نے گورنر کے پی کا حلف اٹھا لیا، وزیراعلیٰ کی تقریب میں عدم شرکت
- پاکستانی نژاد صادق خان ریکارڈ تیسری مرتبہ لندن کے میئر منتخب
- وفاقی حکومت 1.8 ملین میٹرک ٹن گندم خریدے گی، وزیراعظم
- باپ نے غیرت کے نام پر بیٹی اور پڑوسی کے لڑکے کو قتل کردیا
- شمالی وزیرستان میں سیکیورٹی فورسز کی کارروائی، 6 دہشت گرد ہلاک
- فواد چوہدری 9 مئی سے جڑے 8 مقدمات میں شامل تفتیش
- آڈیو لیکس کیس میں آئی بی، ایف آئی اے اور پی ٹی اے سربراہ کو توہین عدالت کے نوٹس جاری، جرمانہ عائد
- ملازمت کے امیدوار کا آجر کو سی وی دینے کا انوکھا طریقہ
- اے آئی ٹیکنالوجی ایمرجنسی صورتحال میں مفید نہیں، ماہرین
- ایف بی آر میں کرپٹ عناصر کو برداشت نہیں کیا جائے گا، وزیراعظم
- باکسر عامر خان کو پاک فوج نے اعزازی کیپٹن کے رینکس سے نواز دیا
- ایپل کی آئی فون صارفین کو مشکل سے نکالنے کے لیے کوشش جاری
- پی ٹی اے کا نان فائلرز کی سم بلاک کرنے سے انکار
- عالمی عدالت انصاف امریکا و اسرائیل کی دھمکیوں پر برہم، انصاف میں مداخلت قرار دے دیا
- صدر نے تین صوبوں کے گورنرز تعینات کرنے کی منظوری دیدی
- سی ایس ایس نتائج کا اعلان، کامیابی کی شرح 2.96 فیصد رہی
ڈی ایٹ، سی اے ڈائریکٹر جنرلز و ایکسپرٹ گروپ کا اجلاس
اسلام آباد: میں ڈیولپمنٹ ایٹ (ڈی ایٹ) آرگنائزیشن کے سول ایوی ایشن کے ڈائریکٹرجنرلز کا گیارہواں اجلاس کیبنیٹ سیکریٹریٹ کے ایوی ایشن ڈویژن کے تحت منعقد کیا گیا۔
پاکستان سول ایوی ایشن اتھارٹی کی میزبانی میں ڈیولپمنٹ ایٹ (ڈی ایٹ) آرگنائزیشن کے سول ایوی ایشن کے ڈائریکٹرجنرلز کاگیارہواں اجلاس پیر کو سیرینہ ہوٹل میں کیبنیٹ سیکریٹریٹ کے ایوی ایشن ڈویژن کے تحت منعقد کیا گیا جس کا افتتاح وزیراعظم پاکستان کے مشیر برائے ایوی ایشن سردار مہتاب احمد خان نے کیا، ممبر ممالک میں تجارتی مواقع کی نشاندہی اورتکنیکی مسائل کے جائزے کے لیے ڈی ایٹ انجمن کا فورم برائے ایوی ایشن مذکورہ ممالک کے سول ایوی ایشن کے ڈائریکٹر جنرلزاورایکسپرٹ ورکنگ گروپ کے اجلاس باقاعدگی سے منعقد کررہا ہے۔
اجلاس میں شریک ڈائریکٹر جنرلزاوررکن ممالک سے آئے ہوئے دیگرمہمانوں کوخوش آمدید کہتے ہوئے پاکستان سول ایوی ایشن اتھارٹی کے ڈائریکٹر جنرل ایئرمارشل عاصم سلیمان نے سول ایوی ایشن کے تمام شعبہ جات میں رکن ممالک کے مابین مربوط، ہم آہنگ اورمشترکہ کوششوں کے ذریعے باہمی تعاون بڑھانے کی ضرورت پرزوردیا۔ ان کا کہنا تھا کہ سول ایوی ایشن کے شعبے کی تمام سرگرمیوں کے معیار کوترقی پذیر سے ترقی یافتہ بنانے کی سخت ضرورت ہے۔
عاصم سلیمان نے رکن ممالک میں ایوی ایشن کے شعبے میں سیفٹی کوبڑھانے کیلیے مشترکہ کوششوں کی اہمیت کواجاگرکیا اورامید ظاہر کی کہ ڈی ایٹ کی انجمن اس حوالے سے ضرور اپنا کردار ادا کرے گی۔ ڈی ایٹ انجمن کے سیکریٹری جنرل سیدعلی محمدموسوی نے اپنے خطاب میں رکن ممالک کی معیشت میں بہتری لانے کیلیے مشترکہ کردارکی بڑھتی ہوئی ضرورت کاتذکرہ کیا۔
اس موقع پر خطاب کرتے ہوئے وزیراعظم پاکستان کے مشیر برائے ایوی ایشن سردار مہتاب احمدخان نے ڈی ایٹ ممالک کی معیشت اورعوام کے معیارزندگی میںبہتری لانے کیلیے رکن ممالک کے مابین پائیدار، پرامن اورمربوط تعلقات کی اہمیت پرروشنی ڈالی۔ اجلاس کے عنوان رکن ممالک میں اقتصادی اورمعاشی نمو، پرتبصرہ کرتے ہوئے انھوں نے پاکستان سول ایوی ایشن اتھارٹی کے ڈائریکٹر جنرل کے اس نکتے سے اتفاق کیا کہ مذکورہ عنوان کو عوام کے فائدے کیلیے بروئے کارلانے کی اشدضرورت ہے۔
اجلاس کے شرکا نے فضائی مسافروں کوسہولت اورتحفظ فراہم کرنے کے ساتھ ساتھ ہوائی جہازوں کی سیفٹی یقینی بنانے کے حوالے سے موجودہ حکومت کے اقدامات کوسراہا جہاں ملکی ایئرنیویگیشن سسٹم کوجدید بنادیا گیا ہے، سول ایئرپورٹس کو وسعت دے دی گئی ہے اورجدید حفاظتی آلات کی تنصیب کردی گئی ہے۔ کوریج بڑھانے کیلیے اے ڈی ایس۔بی سسٹم کے ساتھ راڈارزلگائے جارہے ہیں جو آئندہ سال کے وسط میں مکمل ہوجائیں گے، ملتان انٹرنیشنل ایئرپورٹ کی توسیع کردی گئی ہے جبکہ جناح انٹرنیشنل ایئرپورٹ کراچی پربورڈنگ برجزنصب کردیے گئے ہیں، علامہ اقبال انٹرنیشنل ایئرپورٹ لاہورکی توسیع آئندہ سال شروع کردی جائے گی جبکہ باچہ خان انٹرنیشنل ایئرپورٹ پشاور، کوئٹہ انٹرنیشنل ایئرپورٹ اورفیصل آباد انٹرنیشنل ایئرپورٹ پراپ گریڈیشن کاکام جاری ہے، نیواسلام آباد ایئرپورٹ کا افتتاح بھی جلد ہونے والا ہے۔
اجلاس میں سی پیک کے تحت ملک کے مختلف حصوں میں قائم کیے جانے والے متعدد اقتصادی اورصنعتی زون پربھی بات کی گئی جوفضائی مسافروں کی تعداد اورتجارتی سامان کی فضائی ترسیل میں اضافے کے ساتھ ساتھ ملکی وبین الاقوامی پروازوں کی تعدادبھی بڑھائیں گے جس کے باعث ہمارے خطے میں سول ایوی ایشن کے شعبہ میں خاطر خواہ تیزی آئے گی۔
اجلاس میں سیکریٹری ایوی ایشن ڈویژن، حکومت پاکستان، ڈی ایٹ ممالک کے صنعتی نمائندوں، ایئرلائنز اورایروسپیس کی صنعت کے سربراہوں کے ساتھ ساتھ ایوی ایشن کی صنعت سے متعلقہ افراد شرکت کررہے ہیں۔ اجلاس منگل کو ختم ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔