- توشہ خانہ کیس کی نئی انکوائری کیخلاف عمران خان اور بشری بی بی کی درخواستیں سماعت کیلیے مقرر
- فاسٹ ٹریک پاسپورٹ بنوانے کی فیسوں میں اضافہ
- پیوٹن نے مزید 6 سال کیلئے روس کے صدر کی حیثیت سے حلف اٹھالیا
- سعودی وفد کے سربراہ سے کابینہ کی تعریف سن کر دل باغ باغ ہوگیا، وزیر اعظم
- روس میں ایک فوجی اہلکار سمیت دو امریکی شہری گرفتار
- پاسکو کی گندم خریداری کا ہدف 14 لاکھ ٹن سے 18 لاکھ ٹن کرنے کی منظوری
- نگراں دور میں گندم درآمد کی مکمل ذمہ داری لیتا ہوں، انوار الحق کاکڑ
- ایم کیوایم پاکستان نے پیپلزپارٹی سے 14 قائمہ کمیٹیوں کی چیئرمین شپ مانگ لی
- پاک-ایران گیس پائپ لائن پر ہر فیصلہ پاکستان کے مفاد میں کیا جائے گا، نائب وزیراعظم
- ڈالر کے انٹر بینک اور اوپن مارکیٹ ریٹ کم ہوگئے
- کور کمانڈر ہاؤس حملہ کیس؛ 9مئی کے 10ملزمان کی ضمانت منظور
- اذلان شاہ ہاکی کپ: پاکستان اور جاپان کا میچ سنسنی خیز مقابلے کے بعد برابر
- زیتون کا تیل ڈیمنشیا سے مرنے کے خطرے کو کم کرتا ہے، تحقیق
- ماحول سے کاربن کشید کرنے کے لیے نیا طریقہ کار وضع
- عورت کا بھیس بدل کر پولیس کو چکما دینے والا چور گرفتار
- کورنگی میں دو دوستوں کے قتل کی تحقیقات، برطرف پولیس اہلکار کا کرمنل ریکارڈ نکل آیا
- پی ٹی آئی کا 9مئی واقعات پر جوڈیشل کمیشن بنانے کا مطالبہ
- وزیر داخلہ محسن نقوی کوئٹہ پہنچ گئے، وزیراعلیٰ بلوچستان سے ملاقات
- حکومت کا پنشن بوجھ کم کرنے کے لیے اصلاحات لانے کا اعلان
- پاکستان کو عالمی بینک سے 8 ارب ڈالرز ملنے کی توقع
مقبوضہ کشمیر، موسیقی کے پروگرام کیخلاف شدید احتجاج، ’’گو انڈیا گو بیک‘‘ کے نعرے
سرینگر: مقبوضہ کشمیرمیں جرمن سفارتخانے کے زیراہتمام کل(اتوارکو) منعقدہونے والے زبین مہتا کے موسیقی کے متنازع پروگرام کے خلاف کشمیر بھر میں زبردست احتجاجی مظاہرے کیے گئے۔
سرینگرمیں موسیقی کے اس پروگرام کے خلاف جگہ جگہ وال چاکنگ کی گئی ہے جس میں زبین مہتااور بھارت میںتعینات جرمن سفیرمائیکل اسٹینرکو شدیدتنقید کانشانہ بنایاگیا ہے۔ کشمیر میڈیاسروس کے مطابق سرینگر، بارہ مولہ، گاندربل، کپواڑہ، اسلام آباد، بڈگام، کولگام، پلوامہ، شوپیاںاور دیگرعلاقوں کے لوگوںنے موسیقی کے پروگرام کیخلاف احتجاجی ریلیاں نکالیں۔ کشمیر یونیورسٹی کے سیکڑوںطلبابھی احتجاج کرتے ہوئے سرینگرکی سڑکوںپر نکل آئے اور ’’گوانڈیا گوبیک‘‘کے نعرے لگائے۔ مظاہروںکی کال بزرگ کشمیری حریت رہنما سید علی گیلانی نے دی تھی۔ زبین مہتاکے پروگرام کے خلاف کل مقبوضہ علاقے میں ہڑتال کی جائے گی۔
ادھر بھارتی فوجیوں اورپولیس اہلکاروںنے موسیقی کے پروگرام سے ایک دن قبل سرینگراور اس سے ملحقہ علاقوںمیں تلاشیوںکی کارروائی تیز کردی۔ تاریخی لال چوک اورحیدر پورہ کے قریبی علاقوںمیں کریک ڈائون کیا۔ بھارتی انتظامیہ نے کل جماعتی حریت کانفرنس کے رہنمامحمد یوسف نقاش کو گرفتار کر کے صفاکدل پولیس اسٹیشن سرینگر میں نظربندکردیا۔
حریت رہنمائوں آغا سیدحسن الموسوی الصفوی، غلام احمدمیر، آسیہ اندرابی اورہائیکورٹ بارایسوسی ایشن کے نومنتخب صدرمیاں عبدالقیوم نے اپنے الگ الگ بیانات میں محفل موسیقی کی مخالفت کرتے ہوئے کہاکہ زوبین مہتا نے 1967کی جنگ کے دوران اپنی موسیقی کے ذریعے اسرائیلیوںکے حوصلے بلند کیے تھے اوراب یہی کام وہ مقبوضہ کشمیرمیں بھارت کیلیے کررہا ہے۔ بزرگ کشمیری حریت رہنما سید علی گیلانی نے کہاہے کہ سرینگرکے شالیمارباغ میںہونے والی محفل موسیقی مسئلہ کشمیر کی حساسیت اور سنگینی سے توجہ ہٹانے کی ایک بھونڈی کوشش ہے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔