- پاکستان کی دہشت گردی سے نمٹنے کیلیے کاوشوں کی حمایت کرتے ہیں، امریکا
- بلوچستان اسمبلی کے دو ارکان کی کامیابی کے نوٹیفکیشن جاری
- ٹی20 ورلڈکپ 2024؛ پاک بھارت ٹیمیں سیمی فائنل تک نہیں پہنچیں گی
- ڈی جی خان؛ جھنگی پولیس چیک پوسٹ پر دہشتگردوں کا حملہ، 7اہلکار زخمی
- ٹی20 ورلڈکپ؛ قومی ٹیم میں فرسٹ چوائس وکٹ کیپر کیلئے کانٹے کا مقابلہ
- ہم محنت کش جگ والوں سے!
- کراچی میں جمعے سے گرمی کی لہر میں کمی متوقع
- کراچی؛ تیز رفتار کار ڈمپر سے جا ٹکرائی، نوجوان جاں بحق، 4 زخمی
- ٹی20 ورلڈکپ؛ آسٹریلوی اسکواڈ کا اعلان! مچل مارش مقرر
- کینیڈا میں تحریک خالصتان کے زور پکڑنے پر مودی سرکار شدید عدم تحفظ کا شکار
- وزیراعظم نے غیر ضروری خریدی گئی گندم کی تحقیقات کرانے کی منظوری دیدی
- دورہ آئرلینڈ و انگلینڈ؛ قومی ٹیم کا اعلان کل ہوگا
- میکسیکو میں چوہے کا سوپ بیچنے والی واحد دکان
- ایسٹرازینیکا کووِڈ ویکسین سنگین بیماری کا سبب بن سکتی ہے، کمپنی کا اعتراف
- لاکھوں صارفین کا ڈیٹا چُرا کر فروخت کرنے والے اکاؤنٹس پر پابندی عائد
- مالیاتی پوزیشن آئی ایم ایف کے معاشی استحکام کے دعوؤں پر سوالیہ نشان
- چینی پاور پلانٹس کے بقایاجات 529 ارب کی ریکارڈ سطح پر
- یہ داغ داغ اُجالا، یہ شب گزیدہ سحر
- یکم مئی کے تقاضے اور مزدوروں کی صورت حال
- گھٹیا مہم کسی کے بھی خلاف ہو ناقابل قبول ہے:فیصل واوڈا
بھارت اپنے مفادات کیلیے گھر کا چراغ ہی بجھانے پر تل گیا
دبئی / ممبئی: بھارت اپنے مفادات کیلیے ’گھر کا چراغ‘ ہی بجھانے پر تل گیا، ہم خیال بورڈز کے تعاون سے آئی سی سی چیئرمین ششانک منوہر کی مدت میں مزید توسیع کا راستہ روک دیا، آئی سی سی بورڈ نے فوری طور پر انتخابات کی سفارش کردی، آئی سی سی کا کہنا ہے کہ انتخابی عمل سے متعلق کوئی فیصلہ نہیں ہوا، جمعرات کی میٹنگ میں اس حوالے سے پھر غور کیا جائے گا، ادھر بی سی سی آئی کو یقین ہے کہ موجودہ چیئرمین کی تبدیلی سے ٹی 20 ورلڈ کپ کی میزبانی چھننے کا خطرہ بھی ٹل جائے گا۔
تفصیلات کے مطابق نئے چیئرمین کے انتخاب کا طریقہ کار طے کرنے کیلیے آئی سی سی بورڈ کی گذشتہ روز ٹیلی کانفرنس ہوئی، بھارتی میڈیا کی جانب سے دعویٰ کیا گیاکہ دو تہائی اکثریت سے ممبر بورڈز نے موجودہ چیئرمین ششانک منوہر کو مزید توسیع نہ دینے کا فیصلہ کرلیا،فوری طور پر انتخابی عمل شروع کرنے کی سفارش کردی گئی، جس کی منظوری جمعرات کو آئی سی سی بورڈ میٹنگ میں دی جائے گی۔ ادھر کونسل نے اپنے اعلامیے میں واضح کیا کہ انتخابی عمل کے حوالے سے حتمی فیصلہ نہیں کیا گیا، اس بارے میں جمعرات کی میٹنگ میں پھر غور ہوگا۔
موجودہ چیئرمین نے واضح کیا کہ مزید توسیع لینے کا ارادہ نہیں رکھتے جبکہ وہ ذمہ داری کی منتقلی کیلیے بورڈ سے مکمل تعاون کریں گے۔ یاد رہے کہ ششانک منوہر خود 2 مرتبہ بھارتی کرکٹ بورڈ کے صدر رہ چکے جبکہ انھوں نے 4 برس تک آئی سی سی کے چیئرمین کا عہدہ سنبھالے رکھا، انھوں نے ہی ورلڈ گورننگ باڈی سے سب سے غیرمنصفانہ بگ تھری نظام کا خاتمہ کیا، جس کی وجہ سے بی سی سی آئی ان سے کافی ناخوش تھا جبکہ حالیہ دنوں میں آئی سی سی ایونٹس کیلیے ٹیکس استثنیٰ کے معاملے پر کونسل کی جانب سے ڈالے جانے والے دباؤ کا ذمہ دار بھی منوہر کو ہی سمجھا جا رہا ہے۔
اسی مقصد کیلیے ہم خیال بورڈز کے تعاون سے اس بات کو یقینی بنایا گیا کہ انھیں مزید توسیع نہ ملے اور نئے چیئرمین کا تقرر ہو۔ بورڈ ذرائع کا کہنا ہے کہ وہ ایسا نوجوان چیئرمین دیکھنا چاہتے ہیں جوھیل کی موجودہ صورتحال کو سمجھتا اورکرکٹ کو آگے لے جانے کی صلاحیت رکھتا ہو۔ بی سی سی آئی کورونا وائرس کی وجہ سے مالی مشکلات کا شکار بورڈز کو باہمی ٹورز کی لالچ دے کراپنی راہ ہموار کررہا ہے، اگرچہ یہ رپورٹس بھی موجود ہیں کہ وہ اپنے ہی ملک سے تعلق رکھنے والے چیئرمین کا خواہاں ہے مگر اس بارے میں کوئی حتمی فیصلہ نہیں ہوا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔