- آزادی صحافت کا عالمی دن، کراچی کے صحافیوں کا فلسطینی صحافیوں کے ساتھ اظہار یکجہتی
- سائبر جرائم کی روک تھام کیلیے نئی ایجنسی قائم
- سیمابیہ طاہر نے پی ٹی آئی کی صدارت سے استعفیٰ دے دیا
- جعلی غیر ملکی پاسپورٹ پر بیرون ملک جانے کی کوشش میں دو مسافر اور ایجنٹ گرفتار
- کراچی میں گداگروں کے خلاف کریک ڈاؤن، متعدد گرفتار اور مقدمہ درج
- بھارت؛ ٹارچ کی روشنی میں آپریشن کے دوران حاملہ خاتون اور نومولود ہلاک
- انٹربینک اور اوپن مارکیٹ میں ڈالر کی قدر مزید کمزور
- وزیراعظم کا سیٹلائٹ کی لانچنگ پراظہارمسرت، روانگی کے مناظر براہ راست دیکھے
- پاکستان چاند کے مدار میں سیٹلائٹ بھیجنے والا دنیا کا چھٹا ملک بن گیا ہے
- غزہ کی تعمیرِ نو میں 80 سال اور 40 ارب ڈالر لگ سکتے ہیں؛ اقوام متحدہ
- کم وقت میں 73 بار جلتی ہوئی تلوار گھمانے کا عالمی ریکارڈ
- حکومت کا پنجاب، خیبرپختونخوا اور بلوچستان میں نئے گورنرز تعینات کرنے کا فیصلہ
- اسرائیلی بمباری میں 4 بچوں سمیت 26 افراد شہید اور51 زخمی
- چیف جسٹس قاضی فائز عیسیٰ پی ٹی آئی کے خلاف بی ٹیم بنے ہوئے ہیں، عمران خان
- صدر نے جسٹس شوکت عزیز صدیقی کی ریٹائرمنٹ کا نوٹیفکیشن جاری کرنے کی منظوری دیدی
- جادوئی مشروم ڈپریشن کے لیے مفید قرار
- موٹر وے پولیس سے تلخ کلامی کرنیوالی خواتین کی ضمانت منظور
- گزشتہ ہفتے 15 اشیاء کی قیمتوں میں اضافہ، 18 کی قیمتوں میں کمی
- بیوی پر تیزاب پھینکنے والے شوہر کو 14 سال قید بامشقت، 10 لاکھ جرمانہ
- بلوچستان میں کسانوں سے 5 لاکھ ٹن گندم خریداری شروع کرنے کا فیصلہ
روک سکو تو رک لو! (1)
آج میں اِن سطور کو ایک کہانی سے بھر دینا چاہتا ہوںحالانکہ کوئٹہ دھماکے سے دل بہت بھرا ہوا ہے…یہ کہانی پہلے بھی میں بہت جگہ سنا چکا ہوں لیکن لکھی کبھی نہیں ، آج سوچا لکھ ہی دیتا ہوں تا کہ قرطاس و اذہان دونوں ہی میں ہمیشہ محفوظ رہیں … اگست ۱۹۹۰ میں ایف سی پری میڈیکل یعنی، ایف سی ’’پاس‘‘ ایک لڑکی، کنگ ایڈورڈ کالج کے پرنسپل کے کمرے میں داخل ہوتی ہے اور داخل ہونے کے بعد اْن سے اپنے داخلے کی بات کرتی ہے ، پرنسپل نے جب اْس کے ایف ایس سی کے نمبرز دیکھے تو وہ 650 کے قریب تھے یعنی مطلوبہ میرٹ سے کم تھے تو پرنسپل نے داخلہ دینے سے معذرت کرلی۔
اْ س لڑکی نے جواب سن کر اپنا ڈیزائنر پرس اٹھایا، دروازے تک پہنچی، لمحہ بھر رکی اور پھر مڑ کرپرنسپل سے کہا ’’ایڈمیشن تو میں لے کر رہوں گی ‘‘… پھر اْس لڑکی کو اْس کے امیر باپ نے پنڈی کے ایک میڈیکل کالج میں سیلف فنانسنگ اسکیم کے تحت داخلہ دلوایا اور پھر اپنے اثرورسوخ اور پوزیشن کا فائدہ اٹھاتے ہوئے داخلے کے اگلے ہی روز ’’مائیگریشن ‘‘ کا کیس بنا کر پنڈی سے ڈائریکٹ کنگ ایڈورڈ میڈ یکل کالج لاہور منتقل کردیاگیا۔
جہاں داخلے کے لیے اْس وقت میرٹ 900 نمبرز ہوا کرتے تھے اور پھر ویسے بھی آج تلک ’’پنڈی ‘‘ سے اْس لڑکی کو سخت نفرت ہے…سیلف فنانس اسکیم کے تحت کسی بھی طالبعلم کی کنگ ایڈورڈ کالج میں مائیگریشن کی واحد مثال تھی جس پر پرنسپل ششدر تھے …
آگے بڑھتے ہیں، جنوری1991 کی ایک سردشام تھی فضا میں خنکی اور دھنکی دونوں ہی موجود تھے، ہائے لاہور کی سرد شام، لاہور ایک خوب صورت رومانوی شہر ہے، لاہور میں نور جہاں کا مقبرہ بھی ہے ،ممتاز بیگم کا شیش محل اور انارکلی کی اٹکھیلیاں، یہ تمام حسین یادیں لاہور کی آتشِ عشق کو بھڑکا کر رکھ دیتی ہیں، لاہور پاکستان کا دل ہے اور محبت تو ودل ہی میں ہوتی ہے دوستو ! لاہور کی سرد شامیں کیسی ہوتی ہیں یہ مجھ سے کہیں زیادہ بہتر لاہور ی ہی جانتے ہیں۔
بہرکیف ماڈل ٹاؤن کی ایک انیکسی میںاْ س لڑکی کا باپ کسی ضروری کام میں مصروف تھا… وہاں موجود ’’وردی میں ملبوس‘‘ ایک نوجوان اْسے پسند آگیا، پسند کا کیاہے؟ پسند تو پسند ہے آگیا سو آ گیا!!… لڑکی نے اپنی والدہ سے کہا کہ ’’میں اِ س سے شادی کرنا چاہتی ہوں‘‘؟ والدہ نے غصے سے خاموش کرادیا جیسے کہ اچھی مائیں کرتی ہیں اور شریف گھرانوں میں بچیوں کو اس طرح چپ کرانا کوئی اچنبھے کی بات نہیں!!! اْس لڑکی نے اپنی ماں کو دیکھا اور کہا ’’شادی تو میں اِسی لڑکے سے کروں گی… اْس کے بعد نہ جانے چند ماہ میں کیا ہوا کہ امیر ترین خاندان لڑکی کی خواہش کے مطابق رشتہ کرنے پر تیار ہوگیا۔ ‘‘
2013میں کسی کوالی فیکیشن کے بنا اْس لڑکی کے باپ نے سوا ارب روپے کے فنڈز کا انچارج بنا دیا…معاملہ عدالت میں گیا، قابلیت اور اہلیت ثابت نہ ہوئی تو عدالت نے عہدے سے ہٹانے کا فیصلہ سنایا …جب عدالت یہ فیصلہ سنا چکی تواْس لڑکی نے ایک ٹوئٹ کیا ’’فنڈز تو میں ہی تقسیم کروں گی، روک سکو تو روک لو …پھر اس کے وزیر اعظم باپ نے پرائم منسٹر سیکریٹریٹ میںاْس کو مستقل دفتر دلوایا جہاں وہ تمام وزرا کی درخواستیں وصول کر کے اْنہیں فنڈز جاری کرتی تھی اور ایسا کرتے ہوئے اْس کے چہرے پر ایک طنزیہ مسکراہٹ جاری رہتی تھی کہ جیسے وہ سپریم کورٹ کے ججز سے کہہ رہو ہو ’’روک سکو تو روک لو ‘‘پھر یوں ہوا کہ اپریل 2016میں پاناما لیکس ہوگئے۔
موجودہ وزیراعظم عمران خان نے اْس وقت کے وزیر اعظم اور اْس لڑکی کے والد سے استعفے کا مطالبہ کردیا، اْس لڑکی نے پھر ٹوئٹ کیا ’’ہم ہر قسم کی لیکس سے بری ہوجائیں گے روک سکو تو روک لو‘‘لیکن اس بار لڑکی کی قسمت خراب تھی اورجو مقابل تھا وہ اپنی دھن کا پکا، ضدی، دھنی، عجیب انسان، فائٹر یعنی ٹائیگر تھا…یعنی کپتان تھا
(جاری ہے)
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔