- لوگوں کو لاپتا کرنے والوں کے خلاف سزائے موت کی قانون سازی ہونی چاہیے، اسلام آباد ہائیکورٹ
- مسائل کے حل کے لیے کراچی کے لوگوں کو آواز اٹھانا پڑے گی، گورنر سندھ
- موسمیاتی تبدیلیوں کے اثرات: تیسرے سال بھی آم کی پیداوار میں نمایاں کمی
- روسی صدر 6 ماہ میں دوسری بار چین کے دورے پر پہنچ گئے
- ملازمت پیشہ خواتین سے متعلق بیان؛ سعید انور تنقید کی زد میں
- فرقہ وارانہ قتل میں ملوث دو ٹارگٹ کلرز گرفتار، 13 افراد کے قتل کا اعتراف
- آئی ایم ایف کا غربت کے خاتمے کے پروگرامز میں توسیع کا مطالبہ
- سپریم کورٹ سے عمران خان کی تصویر وائرل، تحقیقات شروع
- ٹی20 ورلڈکپ کیلئے قومی اسکواڈ کا اعلان کب ہوگا، تاریخ سامنے آگئی
- عالمی و مقامی مارکیٹ میں سونے کی قیمت میں اضافہ
- آزاد کشمیر کے لیے 23 ارب روپے کا پیکیج احسان نہیں ہمارا فرض ہے، وزیراعظم
- یا تو پورا سیزن کھیلو ورنہ نہ آؤ! عرفان پٹھان نے کرکٹرز کو ذاتی ملازم سمجھ لیا
- خفیہ اداروں کے اہلکاروں کی اسلام آباد ہائیکورٹ میں داخلے پرپابندی عائد
- بھارتی فوج نے جعلی مقابلے میں مزید 2 کشمیری نوجوانوں کو شہید کردیا
- پاک بھارت ٹاکرا؛ ڈراپ اِن پچز کیوں؟ ہربھجن نے تنقید کے نشتر چلادئیے
- غزہ میں اسرائیلی ٹینک کی گولہ باری سے 5 اسرائیلی فوجی ہلاک، 7 زخمی
- بجلی صارفین پر 310 ارب روپے کا اضافی بوجھ ڈالنے کی تیاری
- ٹی20 ورلڈکپ؛ آئی سی سی نے بھارت کو پہلے ہی سیمی فائنل سلاٹ الاٹ کردی
- اسپتال مالک کے اغوا برائے تاوان میں ملوث 3 سابق سرکاری ملازم گرفتار
- پگڑیوں کو فٹبال بنانے کا کہہ کر کیا پراکسیز کے ذریعے ہمیں دھمکایا جارہا ہے؟ سپریم کورٹ
ایشیائی اسپنرز نے دنیا پر دھاک بٹھادی
نئی دہلی: ایشین اسپن ماسٹرز دنیا میں چھانے لگے جب کہ بھارتی نڑاد اسپنر اعجاز پٹیل نے اپنے آبائی وطن کیخلاف ہی کیویز کے لیے اننگز میں 10 شکار کا کارنامہ انجام دیکر تہلکہ مچادیا۔
ایک تجزیے میں اس کو اجاگر کیا گیا ہے کہ دنیا بھر کے دیگر ممالک کی نمائندگی کرنے والے ایشین نڑاد اسپنرز سردست عالمی کرکٹ کے افق پر چھائے ہوئے ہیں، ان میں اعجاز پٹیل کے علاوہ کیویز میں شامل ایش سودھی بھی بھارتی نژاد ہیں۔
اسی طرح عمران طاہر بھی ماضی میں پاکستان جونیئر ٹیم کی نمائندگی بھی کرچکے تھے، معین علی اور عادل راشد انگلش ٹیم کے لیے وائٹ بال کرکٹ میں خدمات انجام دے رہے ہیں، تبریز شمسی اور کیشو مہاراج کے بھی آباو اجداد کا تعلق بھارت سے رہا ہے، عمران طاہر ٹوئنٹی 20 ورلڈ کپ سے پہلے تک جنوبی افریقی ٹیم کا اہم ممبر شمار ہوتے تھے۔
اعجاز پٹیل نے ممبئی ٹیسٹ کی پہلی اننگز میں تمام 10 بھارتی وکٹیں اڑاکر تاریخ میں تیسرا بولر کا اعزاز پایاہے، ان سے قبل انیل کمبلے اور جم لیکر یہ منفرد کارنامہ انجام دے پائے تھے، اس سے قبل اعجاز پٹیل نے 2018 میں پاکستان کیخلاف ڈیبیو میچ میں عمدہ پرفارمنس پیش کی تھی جس میں کیویز نے 4 رنز سے کامیابی پائی تھی۔
ممبئی میں پیدا ہونے والے اعجاز اب 33 برس کے ہیں، ان کے والدین نے 1996 میں جس وقت نیوزی لینڈ ہجرت کی تھی تو اعجاز پٹیل کی عمر محض 8 برس تھی، انھوں نے اپنے ” ہوم ” گراؤنڈ پر 10 وکٹوں کی پرفارمنس پیش کرکے تاریخ میں خود کو امر کرلیا، ان سے قبل ایک اور بھارتی اسپنر دیپک پٹیل نے 1992 ورلڈ کپ میں کیویز کے لیے نئی گیند سے بولنگ کراکے بڑی شہرت سمیٹی تھی۔
ان کے بعد جیتن پٹیل نے بھی نیوزی لینڈ کی نمائندگی کرتے ہوئے کئی کارہائے نمایاں انجام دے رکھے ہیں اور وہ ابھی انگلش اسپن بولنگ کنسلٹنٹ کے طور پر خدمات انجام دے رہے ہیں، لیگ اسپنر ایش سودھی بھی ٹوئنٹی 20 کرکٹ میں کیویز کا اہم ہتھیار ہیں۔
ماضی قریب میں سکھ اسپنر مونٹی پنیسر بھی انگلینڈ کی نمائندگی کرچکے ہیں، انھوں نے 2012 کے ممبئی ٹیسٹ میں 11 وکٹیں لیکر ہموطنوں کو چونکا دیا تھا، آسٹریلیا بھی نئے شین وارن کی تلاش میں سرگرداں ہے۔ انھوں نے پاکستانی نڑاد فواد احمد کو بھی آزمایا ہے۔
معین علی اور عادل راشد انگلینڈ میں پلے بڑھے ہیں لیکن ان کے بھی آباواجداد کا تعلق پاکستان سے رہا ہے، دونوں انگلش کرکٹ میں اچھے نتائج دیتے رہے ہیں، معین علی اپنی آل راؤنڈ خوبیوں کی بدولت دنیا بھر میں ہونے والی ٹوئنٹی 20 لیگز میں بھی نظر آتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔