- ٹی 20 کرکٹ ورلڈکپ میں شرکت کیلیے قومی ٹیم لندن سے امریکا پہنچ گئی
- سی پی این ای کے سالانہ انتخابات، ارشاد احمد صدر، اعجاز الحق سیکریٹری جنرل منتخب
- وزیراعظم کا بیان غلط قرار، پیٹرول کی قیمت میں صرف 4 روپے 74 پیسے کی کمی
- ایف بی آر کو ٹیکس ہدف کے حصول میں شارٹ فال کا سامنا
- رواں مالی سال کے ترقیاتی بجٹ میں 233 ارب روپے کی کٹوتی کی گئی، رپورٹ
- یورپ کی جانب سے پاکستان پرعائد سفری پابندیاں اٹھانے کا فیصلہ نہ ہوسکا
- وزیراعظم کا دورہ چین؛ ہماری دوستی وقت کی کسوٹی پر کھڑی رہی ہے، چینی وزارت خارجہ
- جرمنی؛ اسلام مخالف رہنما پر حملہ کرنے والے شخص کو پولیس نے گولی ماردی
- انسداد دہشت گردی عدالت کا بانی پی ٹی آئی کو 28 جون کو پیش کرنے کا حکم
- عراق میں 8 ملزمان کو پھانسی دیدی گئی
- آئندہ کوئی بھی پوسٹ بانی پی ٹی آئی کی اجازت کے بغیر نہیں ہوگی، علی محمد خان
- مارگلہ کی پہاڑیوں پر آگ لگانے کے الزام میں 3 افراد گرفتار
- لاہور میں اسلحے کے زور پر بکرے چھیننے والے ملزمان گرفتار
- بھارت میں قیامت خیز گرمی؛ ہیٹ اسٹروک سے 19 افراد ہلاک
- وزیراعلیٰ گنڈا پور کا صوبے کی 4 ہزار مستحق بچیوں کی اجتماعی شادی کا فیصلہ
- کراچی؛ گرمی کی لہر جاری، ہفتے کو پارہ 42 ڈگری تک پہنچ سکتا ہے
- فلیونائیڈ سے بھرپور غذائیں ذیا بیطس کے خطرات کم کرتی ہیں، تحقیق
- شادی کے 12 دن بعد پتا چلا کہ بیوی مرد ہے؛ شوہرتھانے پہنچ گیا
- لکڑی سے بنا ماحول دوست سیٹلائٹ ستمبر میں لانچ کیا جائے گا
- ایل پی جی کی قیمت میں مزید کمی
شاہ رخ کے بعد نواز الدین صدیقی نے بھی ممبئی میں اپنے خوابوں کا گھر بنالیا
ممبئی: بالی ووڈ کے ورسٹائل اداکار نواز الدین صدیقی نے خوابوں کے شہر ممبئی میں اپنے خوابوں کا گھر بنالیا۔
نوازالدین صدیقی کا شمار ان اداکاروں میں ہوتا ہے جنہوں نے بالی ووڈ میں طویل جدوجہد کے بعد پہچان حاصل کی۔ اور اپنی انتھک محنت کی بدولت آج ایک چھوٹے سے شہر کے غیر معروف شخص سے بھارتی فلم انڈسٹری کے سپر اسٹار کا درجہ حاصل کیا۔
بالی ووڈ میں تقریباً دو دہائیوں تک اپنی اداکاری سے خود کو منوانے والے نواز الدین صدیقی نے بالآخر ممبئی میں اپنے خوابوں کا گھر بنا ہی لیا۔ انہوں نے اپنے گھر کا نام اپنے والد کے نام پر ’’نواب‘‘ رکھا ہے۔
اداکار نے سوشل میڈیا پر اپنے گھر کی جھلکیاں شیئر کی ہیں جو کسی حد تک ان کے آبائی شہر مظفر نگر بدھانا میں موجود ان کے پرانے گھر سے متاثر ہے۔ نواز الدین صدیقی کا عالیشان سفید گھر کسی خوبصورت محل کی طرح ہے۔
اس کی تزئین و آرائش میں اداکار کو تین سالوں کا عرصہ لگا اور دلچسپ بات تو یہ ہے کہ اپنے گھر کی سجاوٹ کے لیے نوازالدین صدیقی نے انٹیریئر ڈیزائنر کا کردار بھی خود ہی نبھایا۔
سوشل میڈیا پر نوازالدین صدیقی کے عالیشان گھر ’’نواب‘‘ کا بالی ووڈ کنگ شاہ رخ خان کے گھر ’’منت‘‘ سے موازنہ کرتے ہوئے کہا جارہا ہے کہ ’’نواب‘‘ شاہ رخ خان کے ’’منت‘‘ سے کم نہیں لگتا۔
ماضی میں رات میں چوکیدار کا کام کرنے والے نواز الدین صدیقی 1999 میں پہلی بار عامر خان کی فلم ’’سرفروش‘‘ میں انتہائی مختصر کردار میں نظر آئے تھے، یہاں تک کہ فلم میں انہیں کسی نے نوٹس بھی نہیں کیا تھا۔ لیکن آج نواز الدین صدیقی بالی ووڈ کے سپراسٹار ہیں بالکل شاہ رخ خان کی طرح۔
واضح رہے کہ نواز الدین صدیقی کے عالیشان گھر کی قیمت فی الحال منظر عام پر نہیں آئی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔