- چیئرمین پی سی بی کی اسٹیڈیمز کی اَپ گریڈیشن کیلئے کمیٹی تشکیل دینے کی ہدایت
- پولیس کی زمینوں پر پیٹرول پمپ، دکانیں، فلیٹ اور دفاتر کی تعمیر کا انکشاف
- ضبط کی جانیوالی اسمگل گاڑیوں کی کم قیمت پر نیلامی کا انکشاف
- 9 ماہ میں 6.899 ارب ڈالرکی غیرملکی معاونت موصول
- پاکستان کے اخراجات آمدنی سے زیادہ ہیں، عالمی بینک
- کینیڈا میں سکھ رہنما ہردیپ سنگھ نجر کے قتل میں ملوث 3 بھارتی شہری گرفتار
- سمیں بلاک کرنے میں رکاوٹ بننے والوں کیخلاف کارروائی کا فیصلہ
- پی آئی اے کی خریداری میں مقامی سرمایہ کاروں کی بھی دلچسپی
- شعبۂ صحت میں پاکستان کا اعزاز، ڈاکٹر شہزاد 100 عالمی رہنماؤں میں شامل
- دورہ آئرلینڈ و انگلینڈ؛ کوچنگ اسٹاف کا اعلان ہوگیا
- ایف بی آر کا وصولیوں کیلیے جامع حکمت عملی وضع کرنیکا فیصلہ
- نیویارک میں ہوٹلز کے کرایے آسمان سے باتیں کرنے لگے
- ’’اگر پاکستان ہارا تو ملبہ ہیڈ کوچ کرسٹن پر گرایا جائے گا‘‘
- انگلینڈ کے 20 سالہ کاؤنٹی اسپنر جوش بیکر کی اچانک موت
- ایف آئی اے ملازمین کے کنٹریکٹ میں توسیع نہ ہونے کیخلاف درخواست خارج
- پی ایس ایل9؛ بورڈ بعض اسٹیک ہولڈرز سے واجبات کا منتظر
- دورہ آئرلینڈ و انگلینڈ؛ قومی ٹیم کا مختصر ٹریننگ کیمپ شروع
- سندھ میں انسانی حقوق کی خلاف ورزیاں، پولیس کیخلاف شکایات سب سے زیادہ
- لکی مروت؛ پولیس اہلکار کی گولیوں سے چھلنی لاش برآمد
- سابق کیوی کرکٹر بھی امریکا کے ورلڈکپ اسکواڈ حصہ بن گئے
حفیظ کے حوصلے توانا،مشکل دور سے جلد نکلنے کا یقین
لاہور: بولنگ ایکشن رپورٹ کیے جانے کے باوجود پاکستانی آل راؤنڈر محمد حفیظ کے حوصلے توانا ہیں، انھیں مشکل دور سے جلد نکلنے کا یقین ہے۔
انھوں نے کہاکہ کیویز کیخلاف ابوظبی ٹیسٹ میں میری صرف 4 گیندوں پر شکوک کا اظہار کیا گیا، بائیومکینکس ٹیسٹ میں نیچرل انداز میں بولنگ کروں گا، پوری امید ہے کہ ایکشن کلیئر ہوجائے گا۔ تفصیلات کے مطابق نیوزی لینڈ کیخلاف پہلے ٹیسٹ میچ میں محمد حفیظ کا بولنگ ایکشن رپورٹ کیا گیا تھا، اس سے قبل بھارت میں چیمپئنز لیگ کے دوران بھی امپائرز نے ان کی گیندوں پر شکوک کا اظہار کیا،آل راؤنڈر کا بائیو مکینکس ٹیسٹ24 نومبر کو لفبرو، انگلینڈ میں آئی سی سی سے الحاق رکھنے والی لیبارٹری میں ہوگا۔
گذشتہ روز نیشنل کرکٹ اکیڈمی میں میڈیا سے گفتگو کرتے ہوئے انھوں نے کہا کہ ابوظبی ٹیسٹ کے پورے اسپیل کے دوران صرف 4گیندوں پر امپائرز نے شکوک کا اظہار کیا، ان کا خیال تھا کہ بازو کا خم 15ڈگری سے متجاوز لگتا ہے،اس لیے آئی سی سی قوانین کے مطابق مجھے ٹیسٹ کیلیے جانا ہوگا، انھوں نے کہا کہ رپورٹ کیے جانے کے وقت مجھے مشکوک گیندیں دکھائی گئی تھیں، میرے خیال میں تو وہ بھی میری عام بالز سے مختلف نہیں تھیں، حفیظ نے کہا کہ میں نے کبھی خود کو آف اسپنر نہیں سمجھا،گیند کبھی آف اسپن ہوتی توکبھی سیدھی رہ جاتی ہے، چیمپئنز لیگ کے دوران بھی کہا تھا کہ11سال سے ایک ہی ایکشن سے بولنگ کررہا ہوں۔
بائیومکینک ٹیسٹ میں بھی اپنے نیچرل انداز میں ہی بولنگ کروں گا، پوری امید ہے کہ قوم کی دعاؤں سے کلیئر ہونے میں کامیاب ہوجاؤں گا۔ ایک سوال پر آل راؤنڈر نے کہا کہ فی الحال میرے بارے میں امپائرز نے خدشہ ہی ظاہر کیا ہے، ان مراحل میں ایکشن پر کوئی کام نہیں کیا جاتا، امید ہے کہ کلیئر ہوجاؤں گا، بائیو مکینک ٹیسٹ میں خدانخواستہ کوئی مسئلہ سامنے آیا تو ثقلین مشتاق یا کسی اور ماہر کی خدمات حاصل کرنے کا سوچا جائے گا۔ انھوں نے کہا کہ میں سب سے پہلے خود کو بیٹسمین سمجھتا ہوں، بولنگ ایک اضافی مثبت پہلو اورٹیم کیلیے کارآمد ثابت ہوتا ہے، میری پوری کوشش ہوگی کہ بیٹ اور بال دونوں سے ٹیم کی کامیابیوں میں کردار ادا کرتے رہوں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔