- سابق وزیراعظم آزاد کشمیر تنویر الیاس گرفتار
- کرغزستان میں پھنسے طلبا سے متعلق تشویش ہے، وزیراعلیٰ بلوچستان
- کرغزستان سے مزید ساڑھے تین سو طلبا وطن واپس پہنچ گئے
- اینٹی بائیوٹک ادویات کے بے تحاشہ استعمال سے پاکستان میں سالانہ 7 لاکھ اموت
- اسحٰق ڈار کا سعودی ہم منصب سے رابطہ، محمد بن سلمان کے دورے کی تیاریوں کا جائزہ
- ہیٹ ویو کا خدشہ؛ سندھ میں انٹرمیڈیٹ کے امتحانات کی تاریخ آگے بڑھا دی گئی
- فالج کی تشخیص کے لیے نیا ٹیسٹ وضع
- آواز کی رفتار سے پانچ گنا زیادہ تیز مسافر طیارے پر کام جاری
- والدین نے بشکیک سے طلبا کو مفت لانے کے حکومتی دعوؤں کو جھوٹا قرار دے دیا
- ترک وزیر خارجہ ہاکان فیدان دو روزہ دورے پر اسلام آباد پہنچ گئے
- دنیا کا سب سے چھوٹا فنگر فِش سینڈویچ
- غیرملکی کمپنی پاکستان میں لائٹ ویٹ طیاروں کی مینوفیکچرنگ پر آمادہ
- ملک کے بیشتر علاقوں میں موسم گرم اور خشک رہنے کی پیشگوئی
- مقبوضہ کشمیر میں بھارتی فوج کے 2 اہلکار جھیل میں ڈوب کر ہلاک
- ایرانی صدر کا ہیلی کاپٹر حادثے کا شکار، تلاش جاری
- ایوان صدر کا کرغزستان میں پاکستانی سفیر سے رابطہ، طلبا کی حفاظت کیلیے اقدامات کی ہدایت
- اسرائیل کی جنگی کابینہ کے اہم رکن کی مستعفی ہونے کی دھمکی
- کراچی: پولیس اہلکار شارٹ ٹرم اغوا برائے تاوان میں ملوث نکلے
- امتحانات آن لائن لیے جائیں گے، طلبا اپنے وطن واپس جاسکتے ہیں، کرغز وزارت تعلیم کا اعلامیہ
- راولپنڈی پولیس پر حملوں میں ملوث دہشت گرد ٹانک میں ہلاک
حلال کاروبارکی حامل کمپنیوں کو2 فیصد ٹیکس رعایت
اسلام آباد: وفاقی حکومت نے شریعہ کمپلائنس کمپنیوں کے لیے مشروط طور پر انکم ٹیکس کی شرح 2 فیصدکمی کے ساتھ 32فیصد سے گھٹا کر 30 فیصد کر دی ہے۔
اس ضمن میں فیڈرل بورڈ آف ریونیو نے باضابطہ طور پر نوٹیفکیشن جاری کردیا جس کے تحت انکم ٹیکس رولز 2002 میں ترامیم کی گئی ہیں اور انکم ٹیکس رولز میں رول 231 ایچ کے نام سے نیا رول شامل کیا گیا ہے جس میں کہا گیا ہے کہ شریعہ کمپلائنس کمپنیوںکو انکم ٹیکس آرڈیننس کی شق 18 بی کے تحت انکم ٹیکس میںرعایت دی جائے گی لیکن اس کے لیے انھیں ایف بی آر کی جانب سے عائد کردہ شرائط پوری کرنا ہونگی۔ ایف بی آرکے مطابق انکم ٹیکس آرڈیننس کے دوسرے شیڈول کے پارٹ ٹو میں واضح کیا گیا ہے کہ جن ٹیکس دہندگان کو انکم ٹیکس آرڈیننس کی شق 18 بی کا اطلاق ہوگا انہیں نافذالعمل انکم ٹیکس کے مقابلے میں 2فیصد رعایت ملے گی۔
حکام کا کہنا ہے کہ فیڈرل بورڈ آف ریونیو کی جانب سے جاری کی جانے والی ترمیم میں کہا گیا ہے کہ 2 فیصد انکم ٹیکس کی رعایت ان شریعہ کمپلائنس کمپنیوں کو ملے گی جو سیکیورٹیز اینڈ ایکس چینج کمیشن آف پاکستان (ایس ای سی پی)اور اسٹیٹ بینک آف پاکستان کی طرف سے شریعہ کمپلائنس کمپنی کے لیے جاری کردہ اہلیت کے معیار پر پورا اترتی ہوں گی۔ ایف بی آر کے مطابق ایس ای سی پی اور اسٹیٹ بینک نے مل کر شریعہ کمپلائنس کمپنیوں کی اہلیت کے معیار کے بارے میں مجوزہ رولز بھی تیار کرکے آرا کے لیے جاری کردیے ہیں اور جلد ان کا اطلاق ہوجائے گا۔ ٹیکس میں 2 فیصد رعایت کی شرائط میں کہا گیا ہے کہ وہ شریعہ کمپلائنس کمپنیاں ٹیکس میں رعایت کی اہل ہونگی جو مینوفیکچرنگ کررہی ہوں گی اور ان کے شیئرز کی اسٹاک مارکیٹ میں ٹریڈنگ ہورہی ہوگی البتہ صرف ٹریڈنگ کرنے والی کمپنیاں شریعہ کمپلائنس کے زمرے میں نہیں آئیں گی۔
رعایت کے لیے گزشتہ 3 سال سے مسلسل قابل ٹیکس آمدنی ظاہرکرنا اور5سال تسلسل کے ساتھ ڈیویڈنڈ دینا بھی شرط ہے، نقصان ظاہر کرنے والی کمپنیوں کو2 فیصد ٹیکس رعایت نہیں ملے گی، کاروبار حلال ہونا بھی ضروری ہے، فحش و نازیبا میٹریل، سور کے گوشت، شراب و دیگر حرام مصنوعات سمیت غیر شرعی اشیا کی مینوفیکچرنگ و پروسیسنگ کرنے والی کمپنیاں شریعہ کمپلائنس کمپنی کے ذمرے میں نہیں آئیں گی اور نہ ہی مذکورہ اقسام کے کسی بھی کاروباری و مینوفیکچرنگ سرگرمی میں ملوث کمپنی کو 2 فیصد ٹیکس کی رعایت مل سکے گی، شریعہ کمپلائنس کمپنیوںکی بیلنس شیٹ پر بلاسود فنانسنگ ہونی چاہیے البتہ کمپنی کو لائسنس یافتہ اسلامک فنانشل انسٹی ٹیوشن سے اسلامی موڈ میں فنانسنگ حاصل کرنے کی اجازت ہو گی،کمپنی کی سرمایہ کاری 100 فیصد شریعہ کمپلائنٹ ہونی چاہیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔