بھارتی شائقین نے کوہلی کے صفر پرآؤٹ ہونے کا ذمہ دار پاکستان کوقرار دیدیا

نئی دہلی: آئی سی سی چیمپئنز ٹرافی میں سری لنکا کے خلاف میچ کے دوران بھارتی کپتان ویرات کوہلی کے صفر پر آؤٹ ہوئے تو بھارتی شائقین اور تو کچھ نہ کرسکے تاہم انہوں نے پاکستانی خاتون صحافی زینب عباس کو مورد الزام ٹھہرادیا۔

بھارت پاکستان پر الزام لگانے کا کوئی موقع ہاتھ سے جانے نہیں دیتا، بھارتی میڈیا اور مداحوں نے اے بی ڈی ویلیئرز کی مثال پیش کرتے ہوئے کہا کہ پروٹیز کپتان کے ساتھ میچ سے قبل صحافی نے سیلفی لی اور وہ ون ڈے کیریئر میں پہلی مرتبہ گولڈن ڈک پر آؤٹ ہوئے جس کے بعد کوہلی کی بھی خاتون صحافی کے ساتھ تصویرآئی اوروہ بھی صفرپر آؤٹ ہوگئے حالانکہ کوہلی کی زینب کے ساتھ تصویر پاک بھارت میچ سے قبل یکم جون کو سوشل میڈیا پر شیئر ہوئی تھی۔

Had to be done! @imVkohli pic.twitter.com/D8kGzwROik

— zainab abbas (@ZAbbasOfficial) June 1, 2017

سوشل میڈیا پر اس حوالے سے دلچسپ تبصرے دیکھنے کوملے۔ ہیمنت نے لکھا کہ ”زینب کی سیلفی کا دشنام پھر چل گیا، اب کوہلی صفر پر آؤٹ ہو گیا، کل ڈی ویلیئرز ہوا تھا۔“

https://twitter.com/hemantbuch/status/872777141225533440

ایک اور صارف نے پاکستان کے سری لنکا کے ساتھ مقابلے کے حوالے سے ٹوئٹ کیا، جس میں ازراہ مذاق یہ بتایا گیا ہے کہ سری لنکن کرکٹ بورڈ کی جانب سے اہم اور خفیہ پیغام میں ٹیم پلیئرز کے ساتھ ساتھ اسٹاف کو زینب عباس نام کی پاکستانی صحافی سے ملنے سے منع کر دیا ہے۔

BREAKING NEWS! @ZAbbasOfficial @hemantbuch pic.twitter.com/kfOw6iknCU

— Fawad (@fawadRM) June 8, 2017

ایک اورٹویٹر صارف نے لکھا کہ ایک پٹیشن لائی جارہی ہے اس بات کو یقینی بنانے کیلئے کہ آئی سی سی ایونٹس کے دوران زینب عباس کو بھارتی کھلاڑیوں سے دور رکھا جائے۔

Starting a petition to ensure @ZAbbasOfficial stays away from all the other Indian batsmen during ICC events.

— Neel (@vanillawallah) June 8, 2017