- سابق وزیراعظم آزاد کشمیر تنویر الیاس گرفتار
- کرغزستان میں پھنسے طلبا سے متعلق تشویش ہے، وزیراعلیٰ بلوچستان
- کرغزستان سے مزید ساڑھے تین سو طلبا وطن واپس پہنچ گئے
- اینٹی بائیوٹک ادویات کے بے تحاشہ استعمال سے پاکستان میں سالانہ 7 لاکھ اموت
- اسحٰق ڈار کا سعودی ہم منصب سے رابطہ، محمد بن سلمان کے دورے کی تیاریوں کا جائزہ
- ہیٹ ویو کا خدشہ؛ سندھ میں انٹرمیڈیٹ کے امتحانات کی تاریخ آگے بڑھا دی گئی
- فالج کی تشخیص کے لیے نیا ٹیسٹ وضع
- آواز کی رفتار سے پانچ گنا زیادہ تیز مسافر طیارے پر کام جاری
- والدین نے بشکیک سے طلبا کو مفت لانے کے حکومتی دعوؤں کو جھوٹا قرار دے دیا
- ترک وزیر خارجہ ہاکان فیدان دو روزہ دورے پر اسلام آباد پہنچ گئے
- دنیا کا سب سے چھوٹا فنگر فِش سینڈویچ
- غیرملکی کمپنی پاکستان میں لائٹ ویٹ طیاروں کی مینوفیکچرنگ پر آمادہ
- ملک کے بیشتر علاقوں میں موسم گرم اور خشک رہنے کی پیشگوئی
- مقبوضہ کشمیر میں بھارتی فوج کے 2 اہلکار جھیل میں ڈوب کر ہلاک
- ایرانی صدر کا ہیلی کاپٹر حادثے کا شکار، تلاش جاری
- ایوان صدر کا کرغزستان میں پاکستانی سفیر سے رابطہ، طلبا کی حفاظت کیلیے اقدامات کی ہدایت
- اسرائیل کی جنگی کابینہ کے اہم رکن کی مستعفی ہونے کی دھمکی
- کراچی: پولیس اہلکار شارٹ ٹرم اغوا برائے تاوان میں ملوث نکلے
- امتحانات آن لائن لیے جائیں گے، طلبا اپنے وطن واپس جاسکتے ہیں، کرغز وزارت تعلیم کا اعلامیہ
- راولپنڈی پولیس پر حملوں میں ملوث دہشت گرد ٹانک میں ہلاک
اپنی گردن مکمل طور پر پیچھے گھمانے والا پاکستانی لڑکا
کراچی: پاکستانی نوجوان محمد سمیرایک ہی سمت کھڑے ہوکر اپنی گردن مکمل طور پر مخالف سمت میں 180 درجے زاویے پر موڑ سکتا ہے۔
کراچی کا یہ نوعمر لڑکا اپنے ہاتھوں کی مدد سے اپنا سر موڑ کر کمر کی جانب کرکے ہر ایک کو حیران کرسکتا ہے، محمد سمیر کی خواہش ہے کہ وہ اپنی اس خداداد صلاحیت کی وجہ سے ہالی وڈ کی ڈراؤنی فلموں میں کام کرے۔
سمیر کا کہنا ہے کہ چھ یا سات برس کی عمر میں اُس نے ایک ہالی ووڈ ہارر فلم دیکھی تھی اور اس کے بعد سے وہ مسلسل اپنی گردن گھمانے کی کوشش کرنے لگا،آج بھی وہ روزانہ اس کی پریکٹس کرتا ہے لیکن ان کی گردن میں پہلے سے لچک موجود تھی تاہم چند ہی ماہ میں وہ اپنی گردن مکمل طور پر موڑنے پر قادر ہوگیا۔
سمیر کے اس جنون سے ان کی والدہ بہت پریشان تھیں اور ان کو ڈر تھا کہ کہیں وہ اپنی گردن کا نقصان نہ کرڈالے تاہم سمیر نے انہیں سمجھایا کہ اس کی گردن میں قدرتی طور پر مڑنے کی صلاحیت موجود ہے۔ محمد سمیر خان اپنی والدین کی واحد اولاد نرینہ ہیں اور اس کے والد ساجد خان ایک ٹیکسٹائل فیکٹری میں ملازم تھے کہ انہیں 49 سال کی عمر میں ایک سال میں دو مرتبہ دل کا دورہ پڑا جس کے بعد وہ کام کرنے سے قاصر ہیں۔ اس طرح گھر کی کفالت بھی سمیر کے کاندھوں پر آگئی ہے۔
سمیر ایک ڈانس گروپ کا حصہ ہے جس میں آٹھ لڑکے موجود ہیں اور اس گروپ کا نام ’ڈینجرس بوائز‘ ہے ۔ سمیر اپنے فن سے ہرشو میں 800 سے 1400 روپے کمالیتا ہے اور اس طرح ایک ماہ میں 14000 سے 17000 روپے گھر لاتا ہے۔ وہ اپنے والدین اور چار چھوٹی بہنوں کی کفالت کرتا ہے۔ اس کی خواہش ہے کہ اس کی بہنیں تعلیم جاری رکھیں اور انہیں کسی مالی پریشانی کا سامنا نہ ہو۔
ڈینجرس بوائز کے مرکزی ڈانسر اشعر خان کا کہنا ہے کہ سمیر بے پناہ صلاحیتوں کا حامل ہے یہ گردن اور کندھوں کو جس طرح حرکت دیتا ہے وہ حیران کن عمل ہے۔
سمیر کا کہنا ہے وہ ڈانس، جمناسٹک اور اداکاری کی مسلسل مشق کرتا رہتا ہے تاکہ اپنے گھر کا خرچ اٹھا سکوں اور خود اپنے خواب بھی پورے کرسکوں، میں پرامید ہوں کہ ایک نہ ایک دن مجھے بڑے پردے پر کام کا موقع ضرور ملے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔