- عالمی بینک کی معاشی استحکام کے لیے پاکستان کو مکمل حمایت کی یقین دہانی
- سیکیورٹی فورسز کی کارروائی میں 6 دہشت گرد ہلاک
- وزیراعظم کا ملک میں تعلیمی ایمرجنسی نافذ کرنے کا اعلان
- لاہور میں سفاک ماموں نے بھانجے کو ذبح کردیا
- 9 مئی کے ذمہ داران کو قانون کے مطابق جوابدہ ٹھہرانا چاہیے، صدر
- وزیراعلیٰ پنجاب کی وکلا کے خلاف طاقت استعمال نہ کرنے کی ہدایت
- اسلام آباد ہائیکورٹ کے ججوں کے خلاف مہم پر توہین عدالت کی کارروائی کیلئے بینچ تشکیل
- پہلے مارشل لا لگانے والے معافی مانگیں پھر نو مئی والے بھی مانگ لیں گے، محمود اچکزئی
- برطانیہ میں خاتون ٹیچر 15 سال طالبعلم کیساتھ جنسی تعلق پر گرفتار
- کراچی میں گرمی کی لہر، مئی کے اوسط درجہ حرارت کا ریکارڈ ٹوٹ گیا
- زرمبادلہ کی مارکیٹوں میں ڈالر کے مقابلے میں روپیہ مستحکم
- سائفر کیس: انٹرنیٹ پرموجود لیکڈ آڈیوز کو درست نہیں مانتا، جسٹس گل حسن اورنگزیب
- عمران خان نے چئیرمین پی اے سی کے لیے وقاص اکرم کے نام کی منظوری دیدی
- سوال پسند نہ آنے پر شیرافضل مروت کے ساتھیوں کا صحافی پر تشدد
- مالی سال 25-2024کا بجٹ جون کے پہلے ہفتے میں پیش کیے جانے کا امکان
- کورونا وائرس سے بچاؤ کے لیے نئی ویکسین کی آزمائش
- بیوی کی بے لوث خدمت، شوہر 10 سال بعد کومے سے زندگی کی طرف لوٹ آیا
- بجلی کی قیمت میں دو روپے 83 پیسے فی یونٹ اضافہ
- کراچی : تین ڈاکو پولیس اہلکار سے بائیک چھین کر فرار، چوتھا زخمی حالت میں گرفتار
- افغانستان میں طالبان ملٹری کی گاڑی دھماکے میں تباہ؛ 6 ہلاک اور 8 زخمی
پاکستان کیلیے ورلڈ ٹائٹل جیت کر دکھائوں گا، محمد وسیم
کراچی: پاکستان کے پہلے عالمی پروفیشنل باکسر محمد وسیم نے کہا ہے کہ پروموٹرزکی جانب سے سوشل میڈیا پر بلاک کیے جانے اور زائدالعمر ہونے کا طعنہ دینے کے باوجود پاکستان کے لیے ورلڈ ٹائٹل جیت کر دکھائوں گا۔
ورلڈ باکسنگ کونسل کے سلورفلائی ویٹ بیلٹ چیمپئن اورمسلسل 8 مقابلوں میں فتوحات پانیوالے محمد وسیم نے کہا کہ بلوچستان سے تعلق ہونے کے باوجود کراچی پریس کلب اور سجاس نے جس طرح میری حوصلہ افزائی کی ہے وہ ناقابل بیان ہے۔ انہوں نے کہا کہ بلوچستان کے سابق وزیراعلی نواب ثنا اللہ زہری نے متعدد ملاقاتوں کے باوجود اپنا وعدہ پورا نہیں کیا، امید ہے کہ بلوچستان کے موجودہ وزیراعلی میری فائل پر ہمدردانہ غورکریں گے تاہم بلوچستان میں کھیلوں کا کوئی مستقبل نظر نہیں آرہا۔
محمد وسیم نے کہا کہ سابق وزیراعظم میاں محمد نوازشریف نے جو فنڈز دیے تھے وہ امریکا اورکوریا میں ٹریننگ پرخرچ ہوگئے۔پروفیشنل باکسنگ مہنگا کھیل ہے میرے لیے سال میں تین پروفیشنل مقابلوں میں حصہ لینا ضروری ہے، اپنے کورین پروموٹر کی مالی مشکلات کے باعث اگلے درجے کے مقابلے میں شرکت نہیں کرسکوں گا،تاہم اپریل میں ہونے والے مقابلے میں شرکت مشکل نظر آرہی ہے، پروموٹرز پیسے مانگ رہا ہے جبکہ اسپانسرز بھی پاکستان کا فلیگ لگانے سے منع کرتے ہیں لیکن میں مایوس نہیں ہوں۔
باکسر نے کہا کہ پروموٹرزکی جانب سے سوشل میڈیا پر بلاک کیے جانے اور زائدالعمر ہونے کا طعنہ دینے کے باوجود پاکستان کے لیے ورلڈ ٹائٹل جیت کر دکھائوں گا، امریکا میں سابق عالمی چیمپئن فلائیڈ مے ویدر کے چچا اور میرے ٹرینر جیف مے ویدر نے کورین پروموٹر سے معاہدہ کے بعد اسپانسر کرنے کی پیشکش کی ہے،لیکن میں پاکستان کی نمائندگی کرنا چاہتا ہوں۔
محمد وسیم نے پاکستانی اسپانسرز اورحکومت سے مدد کی اپیل کرتے ہوئے شکوہ کیا کہ برطانوی نژاد باکسرعامر خان کبھی بھی پاکستان کے لیے نہیں کھیلا اس کے باوجود ملک میں اس کی آئوبھگت حیران کن ہے، عامر خان اسپانسرز کے لیے پاکستان کا رخ کرتے ہیں۔ انھوں نے کہا کہ کسی پاکستانی باکسرکواکیڈمی دینے کے بجائے پاکستان کے لیے نہ کھیلنے والے کو اکیڈمی دینا لمحہ فکریہ ہے،پاکستان ہی میری پہچان ہے۔
قبل ازیں کراچی پریس کلب کے صدراحمد ملک، سیکریٹری مقصود یوسفی، سجاس کے صدر طارق اسلم اور سیکریٹری اصغر عظیم نے خطاب کرتے ہوئے کہا کہ بلوچستان جیسے پسماندہ صوبے سے تعلق رکھنے کے باوجود باہمت محمد وسیم کا مسلسل 8مقابلوں میں ناقابل شکست رہنا ایک بڑا کارنامہ ہے، حکومت پاکستان اور بلوچستان کی صوبائی حکومت عظیم ہیرو کے مسائل حل کرنے میں اپنا کردار ادا کرے۔ملک کی موجودہ صورتحال میں کھیل اورکھلاڑی کوسپورٹ کرنا بہت ضروری ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔