پراچی ڈیسائی نئی فلم میں راج کماری کے روپ میں جلوہ گر ہونگی

بالی وڈ اداکارہ پراچی ڈیسائی نئی ہارر فلم '1920' سیریز کے تیسرے پارٹ میں راجکماری کے روپ میں جلوہ گرہونگی۔

اداکارہ کا کہنا ہے کہ وکرم بھٹ کی اس فلم میں سفید کپڑوں میں نظر نہیں آؤں گی بلکہ میرا کردار منفرد ہوگا ۔فلم کی شوٹنگ لندن میں جاری ہے ۔انھوں نے کہا کہ اس فلم ایک مشکل مگر دلچسپ کردار نبھارہی ہوں۔ انھوں نے کہا کہ اس سے قبل فلم ''آئی می اور میں ''میں جان ابراہم کے ساتھ کردار نبھایا ،ہدایتکار کپل شرما کی اس فلم میں چترانگدا سنگھ بھی اہم کرادار ادا کیا ۔فلمی ستاروں کی شرکت نے پروموشنل تقریبات کو چارچاند لگادیے۔

اداکارہ پراچی کا کہناہے کہ آغاز سے اب تک فلمی کیرئیر میں مشکل کام کو ہی پسند کیا اور کرکے دکھایا ہے ،مداحوں نے قلیل عرصے میں ہی پسند کرلیا جس پر ان کی شکر گزار ہوں۔ادھر پراچی ڈیسائی کی نئی فلم ''آئی می اور میں ''کے گانے ''ساجنا''پر پرفارمنس کو سراہا گیا ۔24 سالہ بالی وڈ اداکارہ پراچی کا کہنا ہے کہرواں سال کئی فلموں کے ساتھ سلور اسکرین پر نظر آؤں گی ۔ان میں تامل ری میک فلم ''سمے ''میں سنجے دت کے ساتھ لیڈنگ لیڈی رول کررہی ہوں ۔ اداکارہ نے کہا کہ دونوں فلموں کی کہانی مختلف ہے اور کردار بھی بہت اہم ہیں۔

انھوں نے کہا کہ مجھے یقین ہے کہ ان فلموں میں اپنی عمدہ پرفارمنس سے شائقین کی توجہ حاصل کرنے میں کامیاب رہوں گی ۔ اپنی نئی فلموں کی تشہیری مہم بھی چلارہی ہوں اور شائقین کے لیے یہ فلمیں کسی تحفے سے کم نہیں ہونگی ۔انھوں نے کہا کہ سوشل میڈیا پر اپنے مداحوں کے ساتھ رابطے میں رہتی ہوں ،ان کی پسند کا بھی خیال رکھتی ہوں، مداحوں کی خوشی سب سے زیادہ عزیز ہے انھی کی بدولت ترقی کے زینے طے کررہی ہوں ۔مداحوں کے مشوروں پر اپنی پرفارمنس کو بہتر بنانے کے لیے محنت کررہی ہوں۔




فلم میں ہر طرح کے کردار کو خوبی سے نبھانا ہی اصل فن ہے اور جو اس کو بہتر انداز میں کرتا ہے وہی کامیاب بھی ہے۔ بالی وڈ اداکارہ نے کہا کہ جو کچھ حاصل کیا اس کو برقرار رکھنے کی کوشش کروں گی۔ آگے بڑھنے کے لیے شوق اور لگن سے کام کرتی رہوں گی۔ انھوں نے کہا کہ پہلی فلم ''راک آن'' میں اگرچہ میرے ساتھ فرحان اختر کی صورت ایک نیا چہرہ متعارف کرایا گیا مگر میں نے اس فلم میں بھی اپنی اداکاری کے جوہر دکھا کر اپنی الگ شناخت بنانے کی کوشش کی ہے۔ کیرئیر کا آغاز چھوٹی اسکرین سے کیا اور ڈرامہ سیریل کی مقبولیت نے میرے کردار کو بھی مشہور بنادیا۔

اس سیریل نے بڑی شہرت حاصل کی ۔اداکارہ کی فلم 1920 کا پارٹ تھری جلد ریلیز کی جائے گی۔ 24 سالہ بالی وڈ اداکارہ پراچی ڈیسائی فلم ''سمے ''میں 54 سالہ اداکار سنجے دت کی ہیروئن بنیں گی ۔اس فلم میں سنجے دت ایک پولیس افسر کا کردار نبھارہے ہیں ۔یہ فلم سلمان کی ''دبنگ''سے یکسر مختلف ہے اور اس میں پولیس افسر کا کردار بھی منفرد ہے ،پراچی ڈیسائی کا کہنا ہے کہ انھوں نے اس فلم میں سافٹ ویئر انجینئر کا کردار نبھایا ہے جسے سنجے دت سے محبت ہوجاتی ہے اور پھر شادی کرلیتے ہیں۔ اس فلم کی ہدایات ساؤتھ کے ڈائریکٹر کے ،ایس روی کمار نے دی ہیں۔

واضح رہے کہ پراچی 12 ستمبر 1988 کو بھارتی ریاست گجرات کے شہر سورت میں پیدا ہوئیں۔ابتدائی تعلیم سورت کے کانونٹ اسکول سے حاصل کی پھر پونے سے گریجویشن کرلی ۔پونے میں کالج کے دوران کئی ڈانس اور ایکٹنگ مقابلوں میں حصہ لے کر متعدد انعامات بھی جیتے۔ 20 سال کی عمر میں ٹی وی پر کام شروع کردیا۔ اداکارہ نے ٹی وی سیریل چھوڑدی اور اس کے بعد کئی دیگر ٹی وی چینلز پر کام کیا ،تاہم طویل سیریل میں عمدہ اداکاری پر انھیں کئی ایوارڈز دیے گئے۔

2008 میں ہی پہلی فلم ''راک آن''میں عمدہ پرفارمنس پر بہترین اداکارہ کے طور پر فلم فیئر ایوارڈ کے لیے نامزدگی ہوئی۔ 2009 میں فلم ''لائف پارٹنر'' میں جلوہ گرہوئیں۔ 2010میں فلم ''ونس اپان ان ممبئی''ممتاز کا کردار نبھایا۔ اس فلم میں بھی ان کی اچھی پرفارمنس پر ان کی بہترین معاون اداکارہ کے طور پر فلم فیئر ایوارڈ کے لیے نامزدگی ہوئی۔ 2012میں فلم ''تیری میری کہانی'' میں پرفارم کیا ۔اس فلم میں ان کی خصوصی آمد ہوئی ۔اور رواں سال ہی پراچی کی فلم ''بول بچن'' سینما گھروں کی زینت بنائی گئی۔