تازہ ترین

ٹی 10 لیگ؛ آفریدی اور شعیب ملک آئیکون پلیئرز ہوں گے

حفیظ اورسہیل تنویرکے بعدوہاب ریاض،محمد عرفان وکامران اکمل بھی منتخب

اسپورٹس رپورٹر بدھ 25 جولائی 2018

سرفرازاوراحمد شہزادکوفرنچائززنے ریلیزکردیا، دبئی میں2 ستمبر کو مین ڈرافٹ۔ فوٹو:فائل

لاہور: ٹی10لیگ میں شاہد آفریدی اور شعیب ملک آئیکون پلیئرز ہوں گے۔

دسمبر میں شیڈول ٹی 10لیگ کے ڈرافٹ کا پہلا مرحلہ دبئی میں مکمل ہوگیا، پختونز میں شاہد آفریدی آئیکون، کولن انگرام، ڈیوڈ ویلی ’’اے‘‘، محمد عرفان ’’بی‘‘، لیام ڈاسن ’’سی‘‘ کیٹیگری میں منتخب ہوئے۔

پنجابی لیجنڈز میں شعیب ملک آئیکون، کرس جورڈن، ایون لیوس’’اے‘‘، لیوک رونکی ’’بی‘‘، لیام پلنکٹ’’سی‘‘ کیٹیگری پلیئر کے طور پر شامل ہوئے۔ایون مورگن آئیکون، کیرون پولارڈ، سہیل تنویر ’’اے‘‘، پال اسٹرلنگ ’’بی‘‘ اور ڈاسن شناکا ’’سی‘‘ کیٹیگری میں کیرالہ کنگز کی ٹیم کا حصہ بنے۔

مراٹھا عریبئنز میں راشد خان آئیکون پلیئر، الیکس ہیلز، جیمز فالکنر ’’اے‘‘، ڈیوائن براوو ’’بی‘‘ اور کامران اکمل ’’سی‘‘ کیٹیگری میں جگہ بنانے میں کامیاب ہوئے۔بنگال ٹائیگرز میں سنیل نارائن آئیکون، جیسن رائے، سیم بلنگز ’’اے‘‘، آصف علی ’’بی‘‘، مجیب زردان ’’سی‘‘ کیٹیگری کے مستحق ٹھہرے۔

کراچیئنز میں شین واٹسن آئیکون، جوفرا آرچر، کولن ڈی گرینڈ ہوم’’اے‘‘، اینٹن ڈیوچ ’’بی‘‘، بین لافلن ’’سی‘‘ کیٹیگری میں شامل کیے گئے۔ناردرن واریئرز میں ڈرین سیمی آئیکون، آندرے رسل، ڈیوائن اسمتھ ’’اے‘‘، وہاب ریاض ’’بی‘‘، نکولس پوران ’’سی‘‘ کیٹیگری پانے میں کامیاب ہوئے۔راجپوتس میں برینڈن میک کولم آئیکون، کرس لین، محمد حفیظ ’’اے‘‘، رلی روسو ’’بی‘‘ اور محمد شہزاد ’’سی‘‘ کیٹیگری میں شامل کیے گئے۔

سرفراز احمد اور احمد شہزاد کو فرنچائزز نے ریلیز کر دیا، مین ڈرافٹ2 ستمبر کو دبئی میں ہوں گے جس میں8 فرنچائزز اسکواڈز کا انتخاب مکمل کر لیں گی،ایک فرنچائز کا فیس پیکج 4 لاکھ ڈالرز سے بڑھا کر 12 لاکھ ڈالرز کر دیا گیا ہے۔

ٹی 10 لیگ کے چیئرمین شجیع الملک کا کہنا ہے کہ گذشتہ ایونٹ کو غیرمعمولی کامیابی ملی، اس بار بڑے اسٹارز اور پہلے سے کہیں زیادہ رونقیں ہوں گی، 5 ٹیموں کو شیئرز فروخت کرنے کی بھی اجازت دیدی گئی ہے۔