نواب اکبر بگٹی کی برسی کے موقع پر کوئٹہ میں جزوی ہڑتال

سابق وزیراعلیٰ بلوچستان نواب اکبر بگٹی کی برسی کے موقع پر صوبائی دارالحکومت کوئٹہ میں جزوی ہڑتال کی گئی۔


ایکسپریس نیوز کے مطابق سابق وزیراعلیٰ بلوچستان اکبر بگٹی کی برسی کے موقع پر صوبائی دارالحکومت کوئٹہ میں جزوی اور ڈیرہ بگٹی، سبی، سوئی، صحبت پور اور دیگر علاقوں میں شٹر ڈاؤن ہڑتال کی گئی، جب کہ نوابزادہ گہرام بگٹی نے سوگ میں پارٹی پرچم سرنگوں کیا۔

اس موقع پرنواب اکبر خان بگٹی کے پوتے گہرام بگٹی کا کہنا تھا کہ ہم پرامن لوگ ہیں تاہم آمر پرویز مشرف کے خلاف ہمارا احتجاج ہمیشہ جاری رہے گا ۔