پبلک اکائونٹس کمیٹی کی چیئرمین شپ اپوزیشن کو دینے کا فیصلہ

حکمراں جماعت مسلم لیگ (ن) نے میثاق جمہوریت پر عمل درآمد کا فیصلہ کرتے ہوئے پبلک اکائونٹس کمیٹی کی چیئر مین شپ اپوزیشن کو دینے کا فیصلہ کرلیا ہے۔

معتبر ذرائع کے مطابق ن لیگ کے بعض اراکین نے اس فیصلے کی مخالفت کی تاہم پارٹی قیادت نے فیصلہ کیا کہ میثاق جمہوریت پر اس کی روح کے مطابق عمل کیا جائے گا۔پبلک اکائونٹس کمیٹی کی چیئرمین شپ پر اپوزیشن کا حق ہے اوراسے تسلیم کیا جائے گا۔




ن لیگ کی قیادت کا کہنا ہے کہ اپوزیشن کے پاس چیئرمین شپ ہونے سے معاملات میں شفافیت آئے گی اور کوئی انگلی بھی نہیں اٹھا سکے گا۔