پشاورمیں شدت پسندوں کی سیکیورٹی اہلکاروں پرفائرنگ 6 اہلکارشہید 5 دہشت گرد ہلاک

بڈھ بیر میں شدت پسندوں کی فائرنگ سے6 سیکیورٹی اہلکار شہید جب کہ فورسز کی جوابی کارروائی میں 5 دہشت گرد بھی مارے گئے۔

ایکسپریس نیوز کے مطابق بڈھ بیر میں سیکورٹی اہلکار علاقے میں گشت کر رہے تھے، سرہ خاورہ کے قریب دہشت گردوں نے فورسز کی گاڑی پر راکٹ سے حملہ کر دیا، جس سے گاڑی میں آگ لگ گئی،15 منٹ تک تک جاری رہنے والے فائرنگ کے تبادلے میں 6 سیکورٹی اہلکار شہید اور 2 زخمی ہو گئے جب کہ جوابی کاروائی کے دوران 5 دہشت گرد بھی مارے گئے۔