بلوچستان کے مختلف علاقوں میں زلزلے کے جھٹکے

بلوچستان کے مختلف علاقوں میں زلزلے کے جھٹکے محسوس کیے گئے ہیں جس کی ریکٹراسکیل پر 4.6 شدت ریکارڈ کی گئی۔


ایکسپریس نیوز کے مطابق بلوچستان کے مختلف علاقوں میں زلزلے کے جھٹکے محسوس کیے گئے جس کے باعث لوگوں میں خوف و ہراس پھیل گیا اور گھروں سے کلمہ طیبہ کا ورد کرتے ہوئے باہرنکل آئے تاہم خوش قسمتی سے کسی قسم کے جانی نقصان کی اطلاع نہیں ملی۔

زلزلہ پیما مرکز کے مطابق زلزلے کی شدت ریکٹراسکیل پر4.6 ریکارڈ کی گئی، زلزلے کی گہرائی 40 کلومیٹرجب کہ زلزلے کا مرکز سبی کے جنوب میں 60 کلومیٹر کی دوری پر ہے۔