ہاکی ورلڈ کپ: پاکستان ہاکی ٹیم کے آفیشل گانے کی وڈیو جاری

 لاہور: ہاکی ورلڈ کپ کے لئے پاکستان ہاکی ٹیم کے آفیشل گانے ” اٹھا ہاکی چل میدان میں تم “ کی وڈیو جاری کردی گئی۔

ورلڈ کپ میں شرکت کرنے والی پاکستان ہاکی ٹیم کی حوصلہ افزائی کے لیے آفیشل گانے کی وڈیو جاری کر دی گئی ہے۔ سحر علی بگا کی آواز میں ریکارڈ کیے جانے والے ” اٹھا ہاکی چل میدان میں تم “ گانے کی ریکارڈنگ میں قومی ہاکی ٹیم کے کھلاڑیوں کو میگا ایونٹ کی تیاریاں کرتے ہوئے دکھایا گیا ہے۔

دو منٹ اور انیس سیکنڈ پر مشتمل اس وڈیو میں کوچز توقیر ڈار، ریحان بٹ اور دانش کلیم کھلاڑیوں میں جیت کا جوش پیدا کرتے ہوئے دکھائی دے رہے ہیں، اس وڈیو میں پاکستان ہاکی ٹیم کی 1994ء کی ٹرافی اور ماضی کے سنہری دور کی فوٹیج بھی دکھائی گئی ہے۔

The official anthem of the Pakistan Hockey Team #UthaHockey by Haier Pakistan has been released. Let's support our team in this world cup and pray that they bring the trophy home. #UthaHockey #HaierPakistan #WorldCup2018 pic.twitter.com/eeiDku5A7J

— Javed Afridi 阿夫里迪 (@JAfridi10) November 22, 2018

پاکستان ٹیم کے کوچ دانش کلیم اور ریحان بٹ کا کہنا تھا کہ ولڈ کپ کے موقع پر قومی ٹیم میں حوصلہ افزائی خوش آئند ہے جس سے کھلاڑیوں کے حصولے بلند ہو رہے ہیں۔ ان کا کہنا تھا کہ ہماری ٹیم کی تمام تیاریاں مکمل ہیں کوشش ہوگی کہ ہر میچ میں شاندار کارکردگی کا مظاہرہ کرتے ہوئے حریف ٹیموں کو ٹف ٹائم دیں جب کہ کوچز کا مزید کہنا تھا کہ کھلاڑیوں پر واضح کر دیا ہے کہ ورلڈ کپ کے میچوں کے دوران وہ دباﺅ لینے کی بجائے اپنی نیچرل گیم پیش کریں۔

یاد رہے کہ ورلڈ کپ 28 نومبر سے بھارتی شہر بھوبنیشور میں شروع ہوگا جس میں مجموعی طور پر سولہ ٹیمیں شریک ہوں گی جہاں پاکستانی ٹیم میگا ایونٹ کا پہلا میچ یکم دسمبر کو جرمنی کےخلاف کھیلے گی۔