انڈونیشیا کی جیل سے 15 دہشت گردوں سمیت 200 قیدی فرار

جکارتہ: انڈونیشیا کے شہر میدان میں ہائی سیکیورٹی جیل میں احتجاج کے دوران 15 دہشت گردوں سمیت 200 قیدی فرار ہو گئے۔

غیرملکی خبر رساں ایجنسی کے مطابق جیل میں پانی اور خوارک کی کمی کے خلاف  قیدیوں کا احتجاج جاری تھا جس میں اچانک شدت آ گئی اور اسی دوران 200 سے زائد قیدی موقعے کا فائدہ اٹھاتے ہوئے فرار ہونے میں کامیاب ہو گئے، فرار ہونے والے قیدیوں میں 15 دہشت گرد بھی شامل ہیں جو سال 2000 میں  سماٹرا میں چرچ پر ہونے والے دھماکوں میں ملوث تھے۔

دوسری جانب انڈونیشین پولیس کے  مطابق قیدی اس وقت فرار ہوئے جب جیل میں آگ لگنے سے پولیس اہلکارں اور  قیدیوں کی ہلاکت کے بعد بجلی کی فراہمی منقطع تھی، پولیس اور فوج نےفرار ہونے والے قیدیوں کی دوبارہ گرفتاری کے لیے علاقے میں سرچ آپریشن شروع کردیا ہے۔