- غیور کشمیریوں نے الیکشن کا بائیکاٹ کرکے مودی سرکار کے منصوبوں پر پانی پھیر دیا
- وفاقی بجٹ 7 جون کو پیش کیے جانے کا امکان
- آزاد کشمیر میں آٹے و بجلی کی قیمت میں بڑی کمی، وزیراعظم نے 23 ارب روپے کی منظوری دیدی
- شہباز شریف مسلم لیگ ن کی صدارت سے مستعفی ہوگئے
- خالد عراقی نے آئی سی سی بی ایس کی خاتون سربراہ کو ہٹادیا، اقبال چوہدری دوبارہ مقرر
- اسٹاک ایکسچنیج : ہنڈرڈ انڈیکس پہلی بار 74 ہزار پوائنٹس سے تجاوز کرگیا
- اضافی مخصوص نشستوں والے اراکین کی رکنیت معطل
- امریکا؛ ڈانس پارٹی میں فائرنگ سے 3 افراد ہلاک اور 15 زخمی
- ہم کچھ کہتے نہیں تو اس کا مطلب یہ نہیں کہ پتھر پھینکے جاؤ، چیف جسٹس
- عمران خان کا ملکی حالات پر آرمی چیف کو خط لکھنے کا فیصلہ
- سونے کی عالمی اور مقامی قیمت میں کمی
- لاہور سفاری زو میں پہلی بار نائٹ سفاری کیمپنگ کا انعقاد
- زمینداروں کے مسائل، وزیراعلیٰ آج وزیراعظم سے ملاقات کریں گے
- خیبر پختونخوا میں دو ماہ کے دوران صحت کارڈ پر ایک لاکھ افراد کا مفت علاج
- لاہور میں پرانی دشمنی پر ماں اور 17 سالہ بیٹا قتل
- بھارت میں انتخابات کے چوتھے مرحلے کا آغاز؛ 10 ریاستوں میں ووٹنگ
- غزہ جنگ کے خوفناک نفسیاتی اثرات، 10 اسرائیلی فوجیوں کی خودکشی
- گندم اسکینڈل؛ وزیراعظم کا ایم ڈی اور جی ایم پاسکو کی معطلی کا حکم
- نان فائلرز کے موبائل بیلنس پر 100 میں سے 90 روپے ٹیکس کٹوتی کا فیصلہ
- خفیہ معلومات کی تشہیر اورپھیلانے والوں کو سزا دینے کا اعلان
50 گز کا فاصلہ کرکٹرز کیلیے زندگی کی بقا بن گیا
لاہور: 50گز کا فاصلہ بنگلہ دیشی کرکٹرز کیلیے زندگی کی بقا بن گیا۔
بنگلہ دیشی کرکٹ ٹیم کے منیجر خالد مشہود نے میڈیا کے نمائندوں کو بتایا کہ کرائسٹ چرچ میں جو ہوا اس کی دنیا کے کسی حصے میں کوئی توقع نہیں کرسکتا، نہ ہی کوئی چاہے گا کہ کبھی اس طرح کے حالات کا سامنا کرے، 2کرکٹرز لٹن داس، نعیم حسن اور اسپن بولنگ کوچ سنیل جوشی کے سوا ٹیم اور اسٹاف کے 17 افراد بس میں سوار تھے، ہم مسجد سے صرف 50 گز کے فاصلے پر تھے، صرف 3 منٹ قبل بھی مسجد آ گئے ہوتے تو بچ نکلنا محال تھا،ہم خوش قسمت ہیں کہ تھوڑا فاصلے پر ہی رہ گئے۔
انھوں نے کہا کہ ہم نے بس میں بیٹھ کر جو دیکھا وہ کسی فلم کا منظر لگتا تھا، خون میں لتھڑے نمازی لڑکھڑاتے ہوئے مسجد سے باہر آرہے تھے، ہم سب8 سے 10 منٹ تک بس میں اپنے سر نیچے کیے بیٹھے رہے تاکہ کوئی گولی نہ لگ جائے، بعدازاں سب نے مل کر فیصلہ کیا کہ شوٹر ہمیں نشانہ بنا سکتا ہے، بہتر ہے کہ یہاں سے بھاگ نکلیں، ہیگلے پارک سے ہوتے ہوئے ہم گراؤنڈ میں پہنچے بعد ازاں ہوٹل آگئے۔
انھوں نے بتایا کہ کرکٹ اپنی جگہ ایک انسان کے طور پر بھی ان لمحات کو دیکھنا ایک کربناک تجربہ تھا، بس میں کچھ کھلاڑی رو بھی رہے تھے۔
مسجد جاتے وقت بنگلہ دیشی ٹیم کے ساتھ کوئی سیکیورٹی اہلکار نہیں تھا
مسجد جاتے وقت بنگلہ دیشی ٹیم کے ساتھ کوئی سیکیورٹی اہلکار موجود نہیں تھا، اس کا انکشاف کرکٹ بورڈ کے سربراہ نظم الحسن نے کیا، انھوں نے کہا کہ ٹریننگ گراؤنڈ میں سیکیورٹی پر مامور افراد ساتھ رہے جبکہ لائزن آفیسر، کوچ اور دیگر اسٹاف کے ہمراہ لنچ کرنے گئے تھے، مسجد میں نماز جمعہ کی ادائیگی کیلیے جانے والے کھلاڑیوں کے ساتھ کوئی سیکیورٹی آفیسر نہیں تھا۔ ہمیں ابھی اس بات پر معلومات حاصل کرنا ہوں گی کہ ہمارے پلیئرز نے مسجد جانے سے متعلق سیکیورٹی کو آگاہ کیا تھا یا نہیں۔
نظم الحسن نے کہاکہ نیوزی لینڈ میں پیش آنے والے واقعے کے بعد ہمیں اپنی حفاظت کو خود بھی یقینی بنانا ہوگا، ہم صرف ان ممالک کے دورے کریں گے جو ہمیں سیکیورٹی فراہم کرسکتے ہوں، سیکیورٹی ہماری اولین ترجیح ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔