بھارتی فضائیہ کا لڑاکا طیارہ کھیتوں میں گر کر تباہ
رواں برس بھارتی فضائیہ کا تباہ ہونے والا یہ چھٹا جنگی طیارہ ہے، دو طیارے پاک فضائیہ نے فروری میں مار گرائے تھے
تباہ ہونے والے طیارے کے دونوں تربیتی پائلٹس نے چھلانگ لگا کر جان بچائی۔ فوٹو : فائل
بھارت میں انڈین ایئر فورس کا جنگی طیارہ آسام کے میدانی علاقے کے کھیتوں میں گر کر تباہ ہوگیا تاہم دونوں پائلٹس نے طیارے سے چھلانگ لگا کر اپنی جان بچالی۔
بھارتی میڈیا کے مطابق انڈین ایئر فورس کا تربیتی مشن پر مامور جیٹ فائٹر طیارہ سخوئی 30 دورانِ پرواز اچانک خرابی پیدا ہوجانے کے باعث ہچکولے کھاتے ہوئے زمین بوس ہوگیا، طیارے میں موجود دونوں پائلٹس نے طیارے سے چھلانگ لگا کر اپنی جان بچائی۔
مقامی کسانوں نے کھیتوں میں گرے فائٹر طیارے کے پائلٹس کو قریبی موجود آرمی بیس اسپتال منتقل کیا جہاں دونوں کی حالت خطرے سے باہر بتائی جارہی ہے تاہم ایک پائلٹ کی ٹانگ ٹوٹ گئی ہے۔
فائر بریگیڈ کے عملے نے طیارے کے ملبے سے بلند ہوتے شعلوں پر ایک گھنٹے کی مشقت کے بعد قابو پالیا، طیارہ گرنے سے مقامی آبادی میں کوئی نقصان نہیں ہوا۔ حادثے کی تحقیقات کے لیے تفتیشی کمیٹی تشکیل دے دی گئی ہے۔
واضح رہے کہ رواں برس بھارتی فضائیہ کا جنگی طیارہ تربیتی مشن کے دوران گرنے کا یہ تیسرا بڑا واقعہ ہے، سابق بھارتی فوجی افسران نے حکومت سے طیاروں کے مسلسل گرنے کی تحقیقات اور خستہ حال جنگی طیاروں کی تبدیلی کا مطالبہ کیا ہے۔
بھارتی میڈیا کے مطابق انڈین ایئر فورس کا تربیتی مشن پر مامور جیٹ فائٹر طیارہ سخوئی 30 دورانِ پرواز اچانک خرابی پیدا ہوجانے کے باعث ہچکولے کھاتے ہوئے زمین بوس ہوگیا، طیارے میں موجود دونوں پائلٹس نے طیارے سے چھلانگ لگا کر اپنی جان بچائی۔
مقامی کسانوں نے کھیتوں میں گرے فائٹر طیارے کے پائلٹس کو قریبی موجود آرمی بیس اسپتال منتقل کیا جہاں دونوں کی حالت خطرے سے باہر بتائی جارہی ہے تاہم ایک پائلٹ کی ٹانگ ٹوٹ گئی ہے۔
یہ خبر پڑھیں : بھارتی فضائیہ کا ایک اور جنگی طیارہ گر کر تباہ
فائر بریگیڈ کے عملے نے طیارے کے ملبے سے بلند ہوتے شعلوں پر ایک گھنٹے کی مشقت کے بعد قابو پالیا، طیارہ گرنے سے مقامی آبادی میں کوئی نقصان نہیں ہوا۔ حادثے کی تحقیقات کے لیے تفتیشی کمیٹی تشکیل دے دی گئی ہے۔
یہ خبر بھی پڑھیں : بھارت کا مگ 21 طیارہ گر کر تباہ
واضح رہے کہ رواں برس بھارتی فضائیہ کا جنگی طیارہ تربیتی مشن کے دوران گرنے کا یہ تیسرا بڑا واقعہ ہے، سابق بھارتی فوجی افسران نے حکومت سے طیاروں کے مسلسل گرنے کی تحقیقات اور خستہ حال جنگی طیاروں کی تبدیلی کا مطالبہ کیا ہے۔