سوڈان میں موسلا دھار بارشوں نے تباہی مچادی 46 افراد ہلاک
مون سون بارشوں میں 100 سے زائد افراد زخمی اور 16 ہزار گھر تباہ ہوگئے
مسلسل ہونے والی بارشوں کے باعث ڈیم ٹوٹ گیا اور سیلابی ریلا آبادی میں داخل ہوگیا۔ فوٹو : ٹویٹر
لاہور:
سوڈان میں مون سون بارشوں نے بڑے پیمانے پر تباہی مچادی ہے جس کے نتیجے میں ہلاک ہونے والوں کی تعداد 46 ہوگئی ہیں۔
بین الاقوامی خبر رساں ادارے کے مطابق افریقی ملک سوڈان میں شدید بارشوں میں لینڈ سلائیڈنگ، بجلی کے پول گرنے اور دیگر واقعات میں ہلاک ہونے والوں کی تعداد 46 ہوگئی ہے جب کہ 100 سے زائد زخمی ہیں۔ ڈیم ٹوٹنے کے باعث سیلابی ریلا مقامی آبادی میں داخل ہوگیا۔
سوڈان میں گزشتہ دو ماہ سے وقفے وقفے سے ہونے والی بارشوں نے 18 میں سے 16 صوبوں کو متاثر کیا ہے تاہم 2 دن سے بارشوں نے شدت اختیار کرلی ہے، جس میں 16 ہزار گھر تباہ ہوگئے ہیں۔ ہزاروں افراد کو محفوظ مقام پر منتقل کیا گیا ہے۔ ریلیف کیمپوں میں غذائی اشیا کی قلت کا سامنا ہے۔
اسپتالوں میں ایمرجنسی نافذ کردی گئی ہے جہاں مختلف مقامات سے 100 سے زائد زخمیوں کو لایا گیا ہے، 6 زخمیوں کی حالت نازک بتائی جارہی ہے۔ محکمہ موسمیات نے بارشوں کے سلسلوں کے مزید ایک ہفتے تک جاری رہنے کی پیشن گوئی کرتے ہوئے شہریوں کو احتیاطی تدابیر اختیار کرنے کی ہدایت جاری کی ہیں۔
سوڈان میں مون سون بارشوں نے بڑے پیمانے پر تباہی مچادی ہے جس کے نتیجے میں ہلاک ہونے والوں کی تعداد 46 ہوگئی ہیں۔
بین الاقوامی خبر رساں ادارے کے مطابق افریقی ملک سوڈان میں شدید بارشوں میں لینڈ سلائیڈنگ، بجلی کے پول گرنے اور دیگر واقعات میں ہلاک ہونے والوں کی تعداد 46 ہوگئی ہے جب کہ 100 سے زائد زخمی ہیں۔ ڈیم ٹوٹنے کے باعث سیلابی ریلا مقامی آبادی میں داخل ہوگیا۔
سوڈان میں گزشتہ دو ماہ سے وقفے وقفے سے ہونے والی بارشوں نے 18 میں سے 16 صوبوں کو متاثر کیا ہے تاہم 2 دن سے بارشوں نے شدت اختیار کرلی ہے، جس میں 16 ہزار گھر تباہ ہوگئے ہیں۔ ہزاروں افراد کو محفوظ مقام پر منتقل کیا گیا ہے۔ ریلیف کیمپوں میں غذائی اشیا کی قلت کا سامنا ہے۔
اسپتالوں میں ایمرجنسی نافذ کردی گئی ہے جہاں مختلف مقامات سے 100 سے زائد زخمیوں کو لایا گیا ہے، 6 زخمیوں کی حالت نازک بتائی جارہی ہے۔ محکمہ موسمیات نے بارشوں کے سلسلوں کے مزید ایک ہفتے تک جاری رہنے کی پیشن گوئی کرتے ہوئے شہریوں کو احتیاطی تدابیر اختیار کرنے کی ہدایت جاری کی ہیں۔