نیب سے متعلق کاروباری برادری کے تحفظات دور کرنے کیلئے لائحہ عمل بنالیاوزیراعظم
وزیرِ اعظم عمران خان سے ملک کے مختلف ایوان صنعت و تجارت سے تعلق رکھنے والے وفد کی ملاقات
وزیرِ اعظم عمران خان سے ملک کے مختلف ایوان صنعت و تجارت سے تعلق رکھنے والے تاجروں کی ملاقات فوٹو:فائل
وزیرِ اعظم عمران خان نے کہا ہے کہ نیب سے متعلق کاروباری برادری کے تحفظات کے حل کیلئے لائحہ عمل بنالیا۔
وزیرِ اعظم عمران خان سے ملک کے مختلف ایوان صنعت و تجارت سے تعلق رکھنے والے وفد نے ملاقات کی۔ مشیر خزانہ ڈاکٹر عبد الحفیظ شیخ، مشیر تجارت عبدالرزاق داؤد، چیئرمین سرمایہ کاری بورڈ زبیر گیلانی و دیگر سینئر افسران بھی ملاقات میں موجود تھے۔
وفد نے وزیرِ اعظم کی تاجر برادری سے مسلسل ملاقاتوں اور بزنس کمیونٹی کو ساتھ لے کر چلنے کی پالیسی کو سراہتے ہوئے انہیں کاروباری برادری کو درپیش مسائل سے آگاہ کیا۔ تاجروں نے معیشت کی بہتری اور کاروباری سرگرمیوں میں تیزی لانے خصوصا برآمدات کو بڑھانے کے حوالے سے وزیر اعظم کو مختلف تجاویز پیش کیں۔
یہ بھی پڑھیں: سرکاری اورنجی شعبہ میں بہترہم آہنگی کا معیشت پر مثبت اثر پڑرہا ہے، آرمی چیف
وزیرِ اعظم عمران خان نے کہا کہ نیب سے متعلق کاروباری برادری کے تحفظات کے حل کے لئے لائحہ عمل تشکیل دے دیا ہے، اس سلسلے میں کاروباری شخصیات پر مشتمل کمیٹی تشکیل دی جا رہی ہے تاکہ نیب اور کاروباری برادری سے متعلق معاملات کو احسن طریقے سے حل کیا جا سکے، موجودہ حکومت کاروباری برادری کو ہر ممکنہ سہولت فراہم کرنے کے لئے پرعزم ہے۔
وزیرِاعظم کا کہنا تھا کہ ہم چاہتے ہیں کہ بزنس کمیونٹی کے لئے آسانیاں پیدا ہوں اور وہ منافع بخش کاروباری سرگرمیاں انجام دے سکیں، حکومت اس ضمن میں ہر ممکن مدد کرے گی، بزنس کمیونٹی کی کامیابی ملک کی کامیابی ہے، کاروباری برادری اور حکومت کی مضبوط شراکت داری معیشت اور ملک کی ترقی کے لئے نہایت اہم ہے۔
علاوہ ازیں وزیراعظم عمران خان سے ڈاکٹر بابر اعوان نے ملاقات کی جس میں احتساب کے جاری عمل اور حکومت کے اصلاحاتی ایجنڈے پر غور کیا گیا۔اس موقع پر وزیراعظم کا کہنا تھا کہ احتساب کا عمل جاری رہے گا کوئی سمجھوتہ نہیں کروں گا جب کہ کسی قسم کی بلیک میلنگ برداشت نہیں کریں گے۔
وزیرِ اعظم عمران خان سے ملک کے مختلف ایوان صنعت و تجارت سے تعلق رکھنے والے وفد نے ملاقات کی۔ مشیر خزانہ ڈاکٹر عبد الحفیظ شیخ، مشیر تجارت عبدالرزاق داؤد، چیئرمین سرمایہ کاری بورڈ زبیر گیلانی و دیگر سینئر افسران بھی ملاقات میں موجود تھے۔
وفد نے وزیرِ اعظم کی تاجر برادری سے مسلسل ملاقاتوں اور بزنس کمیونٹی کو ساتھ لے کر چلنے کی پالیسی کو سراہتے ہوئے انہیں کاروباری برادری کو درپیش مسائل سے آگاہ کیا۔ تاجروں نے معیشت کی بہتری اور کاروباری سرگرمیوں میں تیزی لانے خصوصا برآمدات کو بڑھانے کے حوالے سے وزیر اعظم کو مختلف تجاویز پیش کیں۔
یہ بھی پڑھیں: سرکاری اورنجی شعبہ میں بہترہم آہنگی کا معیشت پر مثبت اثر پڑرہا ہے، آرمی چیف
وزیرِ اعظم عمران خان نے کہا کہ نیب سے متعلق کاروباری برادری کے تحفظات کے حل کے لئے لائحہ عمل تشکیل دے دیا ہے، اس سلسلے میں کاروباری شخصیات پر مشتمل کمیٹی تشکیل دی جا رہی ہے تاکہ نیب اور کاروباری برادری سے متعلق معاملات کو احسن طریقے سے حل کیا جا سکے، موجودہ حکومت کاروباری برادری کو ہر ممکنہ سہولت فراہم کرنے کے لئے پرعزم ہے۔
وزیرِاعظم کا کہنا تھا کہ ہم چاہتے ہیں کہ بزنس کمیونٹی کے لئے آسانیاں پیدا ہوں اور وہ منافع بخش کاروباری سرگرمیاں انجام دے سکیں، حکومت اس ضمن میں ہر ممکن مدد کرے گی، بزنس کمیونٹی کی کامیابی ملک کی کامیابی ہے، کاروباری برادری اور حکومت کی مضبوط شراکت داری معیشت اور ملک کی ترقی کے لئے نہایت اہم ہے۔
علاوہ ازیں وزیراعظم عمران خان سے ڈاکٹر بابر اعوان نے ملاقات کی جس میں احتساب کے جاری عمل اور حکومت کے اصلاحاتی ایجنڈے پر غور کیا گیا۔اس موقع پر وزیراعظم کا کہنا تھا کہ احتساب کا عمل جاری رہے گا کوئی سمجھوتہ نہیں کروں گا جب کہ کسی قسم کی بلیک میلنگ برداشت نہیں کریں گے۔