چین میں کورونا وائرس سے ہلاکتیں 260 تک جا پہنچیں
بھارت نے اپنے 324 شہریوں کو چین سے واپس بلا کر نئی دہلی کے مضافات میں ایک الگ تھلگ علاقے میں رکھا
ہلاک ہونے والوں میں اکثریت معمر شہریوں کی ہے، فوٹو : فائل
ISLAMABAD:
چین میں کورونا وائرس سے مزید 45 افراد کی ہلاکت کے بعد اس موذی مرض سے ہلاک ہونے والوں کی تعداد 260 تک جاپہنچی ہے۔
عالمی خبر رساں ادارے کے مطابق چین میں تمام تر احتیاطی تدابیر اختیار کرنے اور سر توڑ کوششوں کے باوجود کورونا وائرس پر قابو نہیں پایا جا سکا ہے، وائرس سے متاثرہ مریضوں کی تعداد میں روزانہ ہی اضافہ ہو رہا ہے اور اب تک 11 ہزار افراد کے متاثر ہونے کی اطلاعات ہیں جب کہ مزید 45 افراد کے ہلاک ہونے کے بعد مجموعی ہلاکتوں کی تعداد 260 تک جاپہنچی ہے۔
یہ خبر پڑھیں: کورونا وائرس سے نجات تک چین سے کوئی پاکستانی واپس نہیں آئے گا، حکومت کا اعلان
کورونا وائرس سے ہونے والی تقریباً تمام ہی ہلاکتیں ہوبائی صوبے میں ہوئی ہیں جس کے دارالحکومت ووہان سے ہی اس وائرس کی ابتدا ہوئی ہے اور اب کئی ممالک اس پراسرار وائرس کی زد میں ہیں۔ عالمی ادارہ صحت نے بھی اس وائرس سے پیدا ہونے والی صورت حال کو بین الاقوامی صحت ایمرجنسی قرار دیدیا ہے۔ امریکا اپنے شہریوں کو واپس بلا چکا ہے اور کئی ممالک نے اپنے ایئرپورٹس پر الرٹ جاری کردیا ہے۔
یہ خبر بھی پڑھیں : کورونا وائرس؛ پاکستان آنے والے تمام مسافروں کوہیلتھ ڈیکلریشن فارم جمع کروانا لازمی قرار
بھارت نے بھی چین سے اپنے 324 شہریوں کو واپس بلا لیا ہے جن میں سے اکثریت طلبا کی ہے تاہم ان تمام افراد کو نئی دہلی کے مضافات میں ایک الگ تھلگ مقام پر رکھا گیا ہے اور تمام تر طبی ٹیسٹس اور ماہر ڈاکٹرز سے معائنے سے قبل کسی کو ملنے کی اجازت نہیں دی جائے گی۔ جرمنی نے بھی اپنے شہریوں کی واپسی کے لیے فوجی طیارہ بھیجا ہے جب کہ آسٹریلیا بھی اپنے شہریوں کی واپسی کی کوششیں کر رہا ہے۔
چین میں کورونا وائرس سے مزید 45 افراد کی ہلاکت کے بعد اس موذی مرض سے ہلاک ہونے والوں کی تعداد 260 تک جاپہنچی ہے۔
عالمی خبر رساں ادارے کے مطابق چین میں تمام تر احتیاطی تدابیر اختیار کرنے اور سر توڑ کوششوں کے باوجود کورونا وائرس پر قابو نہیں پایا جا سکا ہے، وائرس سے متاثرہ مریضوں کی تعداد میں روزانہ ہی اضافہ ہو رہا ہے اور اب تک 11 ہزار افراد کے متاثر ہونے کی اطلاعات ہیں جب کہ مزید 45 افراد کے ہلاک ہونے کے بعد مجموعی ہلاکتوں کی تعداد 260 تک جاپہنچی ہے۔
یہ خبر پڑھیں: کورونا وائرس سے نجات تک چین سے کوئی پاکستانی واپس نہیں آئے گا، حکومت کا اعلان
کورونا وائرس سے ہونے والی تقریباً تمام ہی ہلاکتیں ہوبائی صوبے میں ہوئی ہیں جس کے دارالحکومت ووہان سے ہی اس وائرس کی ابتدا ہوئی ہے اور اب کئی ممالک اس پراسرار وائرس کی زد میں ہیں۔ عالمی ادارہ صحت نے بھی اس وائرس سے پیدا ہونے والی صورت حال کو بین الاقوامی صحت ایمرجنسی قرار دیدیا ہے۔ امریکا اپنے شہریوں کو واپس بلا چکا ہے اور کئی ممالک نے اپنے ایئرپورٹس پر الرٹ جاری کردیا ہے۔
یہ خبر بھی پڑھیں : کورونا وائرس؛ پاکستان آنے والے تمام مسافروں کوہیلتھ ڈیکلریشن فارم جمع کروانا لازمی قرار
بھارت نے بھی چین سے اپنے 324 شہریوں کو واپس بلا لیا ہے جن میں سے اکثریت طلبا کی ہے تاہم ان تمام افراد کو نئی دہلی کے مضافات میں ایک الگ تھلگ مقام پر رکھا گیا ہے اور تمام تر طبی ٹیسٹس اور ماہر ڈاکٹرز سے معائنے سے قبل کسی کو ملنے کی اجازت نہیں دی جائے گی۔ جرمنی نے بھی اپنے شہریوں کی واپسی کے لیے فوجی طیارہ بھیجا ہے جب کہ آسٹریلیا بھی اپنے شہریوں کی واپسی کی کوششیں کر رہا ہے۔