زرمبادلہ کی دونوں مارکیٹوں میں ڈالر کے مقابلے میں روپے کی تنزلی

انٹربینک میں ڈالر کی قیمت میں 22 پیسے اور اوپن کرنسی مارکیٹ میں 10 پیسے کا اضافہ ہوا۔


ایکسپریس نیوزکے مطابق کاروباری ہفتے کے پہلے روز زرمبادلہ کی دونوں مارکیٹوں میں امریکی ڈالر کے مقابلے میں پاکستانی روپےکی قدر اتارچڑھاؤ کے بعد دوبارہ دباؤ کی زد میں رہی، جس سے انٹربینک مارکیٹ میں ڈالر کی قدردوبارہ 168روپے سے تجاوز کرگئی۔

انٹربینک مارکیٹ میں پیر کو اتارچڑھاؤ کے بعد ڈالر کے انٹربینک ریٹ میں 22 پیسے کا اضافہ ہوا جس سے ڈالر کی قدر 167 روپے 93 پیسے سے بڑھ کر 168 روپے 16 پیسے پر بند ہوئی، جب کہ اوپن کرنسی مارکیٹ میں بھی ڈالر کی قدر 10 پیسے کے اضافے سے 168روپے 50 پیسے پر بند ہوئی۔