مودی کیخلاف ٹوئٹ کرنے پر بھارتی ایئرلائن نے مسلم پائلٹ کو برطرف کردیا

نئی دہلی: بھارت کی فضائی کمپنی ’’ گو ایئر‘‘ نے وزیراعظم مودی کے خلاف ٹوئٹ کرنے پر اپنے سینیئر پائلٹ آصف خان کو ملازمت سے برطرف کردیا ہے۔

عالمی خبر رساں ادارے کے مطابق بھارتی فضائی کمپنی ’’ گو ایئر‘‘ نے اپنے ایک مسلمان پائلٹ کو قواعد و ضوابط کی خلاف ورزی کرنے پر ملازمت سے برطرف کردیا ہے۔

گو ایئر کے ترجمان نے اپنے بیان میں کہا کہ کمپنی نے اپنے ملازمین کے سوشل میڈیا سے متعلق بھی ضابطے بنائے ہیں۔ برطرف پائلٹ اسی ضابطے کی خلاف ورزی کے مرتکب پائے گئے تھے۔

pic.twitter.com/qeXP4TpaVY

— GoAir (@goairlinesindia) June 4, 2020

دریں اثنا سینیئر پائلٹ آصف خان نے وزیراعظم کے خلاف اپنے تبصرے پر معافی مانگتے ہوئے ٹوئٹر پر لکھا کہ میں وزیراعظم اور دیگر جارحانہ ٹویٹس کے بارے میں معذرت خواہ ہوں جس سے کسی سے بھی وابستہ افراد کے جذبات مجروح ہوسکتے ہیں۔

سینیئر پائلٹ آصف خان کی ٹوئٹ پر کی گئی معذرت کے باوجود گوایئر نے ملازمت سے برخاستگی کے فیصلے کو واپس نہیں لیا۔