جولی گائیٹ سے معاشقہ ذاتی معاملہ ہے کوئی دخل اندازی نہ کرے فرانسیسی صدر اولاندے

فرانسیسی صدر فرانکوئس اولاندے نے کہا ہےکہ جولی گائیٹ سے معاشقہ ان کا ذاتی معاملہ ہے کسی کو اس معاملے میں دخل اندازی نہیں کرنی چاہیئے۔


پیرس میں سالانہ پریس کانفرنس کرتے ہوئے فرانسیسی صدر فرانکوئس اولاندے کا کہنا تھا کہ ادکارہ جولی گائیٹ سے معاشقہ میرا ذاتی معاملہ ہے لہذا میڈیا سمیت کسی شخص کو اس میں دخل اندازی نہیں کرنی چاہیے۔ ان کا کہنا تھا کہ وہ دورہ امریکا سے قبل یہ مسئلہ حل کرلیں گے۔

واضح رہے کہ فرانسیسی صدر اولاندا کے اداکارہ ڑولی گائیے سے معاشقے کی خبر سن کرخاتون اول ویلیری ٹریئر ویلر صدمے سے اسپتال پہنچ گئی ہیں۔ دوسری طرف اپوزیشن جماعتوں نے اس معاملے پر حکومت کو آڑے ہاتھوں لیتے ہوئے صدر سے وضاحت طلب کرلی ہے۔