میثاق معیشت کی بات کرنے پر این آر او کا الزام لگایا گیا شہباز شریف
چینی سفیر نے مجھ سےکہا نواز شریف پاک چین دوستی کے سب سے بڑے قائل ہیں اور ہم پرانے دوستوں کو بھولتے نہیں، شہباز شریف
چینی سفیر نے مجھ سےکہا نواز شریف پاک چین دوستی کے سب سے بڑے قائل ہیں اور ہم پرانے دوستوں کو بھولتے نہیں، شہباز شریف
قومی اسمبلی میں قائد حزب اختلاف شہباز شریف نے کہا ہے کہ حکومت نے میثاق معیشت کی بات کرنے پر این آر او کا الزام لگادیا۔
پاکستان مسلم لیگ (ن) کے صدر شہبازشریف نے بیٹ رپورٹرز سے ملاقات میں گفتگو کرتے ہوئے کہا کہ اس حکومت کو عوام کی کوئی پرواہ نہیں، اسے صرف انتقام کی پڑی ہوئی ہے، اس سے زیادہ بدترین اور فاشسٹ حکومت کہیں نہیں دیکھی، نیب نیازی گٹھ جوڑ کا فقرہ میں نے شروع کیا، اب بشیر میمن نے اس پر مہر لگا دی ہے، عمران خان اپوزیشن کو ختم کرنا چاہتا ہے، اپوزیشن کو چور ڈاکو کہنے کی بجائے عوامی مسائل کے حل پر توجہ دیتا تو حالات مختلف ہوتے، میں نے دو بار چارٹر آف اکنامی کی بات کی تو این آر او کا الزام لگادیاگیا، کھوکھلے اور جھوٹے نعروں سے آج ملک کو تباہی کی اس نہج تک پہنچادیاگیا۔
شہباز شریف نے کہا کہ کورونا آیا تو تمام وسائل اور توانائیاں ویکسین کی خریداری پر لگا دیتے، وزیراعظم اور وزرائے اعلی سمیت سب کو نکلنا چاہیے تھا، ہمیں بھی ڈینگی کا کچھ علم نہیں تھا لیکن ہم نے اپنا سارا زور لگا دیا، آج عوام رو رہے ہیں، ادھر سی پیک پر کام بھی بہت سست ہوچکا ہے جو اس حکومت کی ناکامی ہے، نواز شریف کے دور سے یہ ایک انچ بھی آگے نہیں بڑھا، جس قوم کو خوشحالی چاہیے، اس کی قیادت اگر سی پیک میں سے کیڑے نکال رہی ہو تو کیسے کام چلے گا، عمران نیازی اور پی ٹی آئی نے سی پیک کے خلاف بیان دیے اور جھوٹ بولا کہ یہ 8 فیصد کی بھاری شرح پر قرض ہے، حالانکہ سچ یہ تھا کہ صرف 2 فیصد پر کچھ قرض تھا اور باقی سب سرمایہ کاری تھی، جس بات پر چین کا شکریہ ادا کرنا چاہئے تھا پی ٹی آئی نے ان کے خلاف بیانات دیے۔
شہباز شریف کا کہنا تھا کہ گزشتہ روز چینی سفیر نے ملاقات میں مجھ سے پنجاب سپیڈ کی بات کی، میں نے چینی سفیر سے کہا کہ پنجاب سپیڈ کی بات نہ کریں، اس کی وجہ سے میں دو دفعہ جیل سے ہو آیا ہوں، چینی سفیر نے کہا کہ نواز شریف پاک چین دوستی کے سب سے بڑے قائل ہیں اور ہم پرانے دوستوں کو بھولتے نہیں ہیں۔
صدر ن لیگ نے کہا کہ میرا نام ای سی ایل پر نہیں ہے لیکن اس حکومت نے میرا نام بلیک لسٹ میں ڈالا ہوا ہے، کیا میں بلیکیا ہوں، میری طبیعت خراب تھی تو بہت تکلیف پہنچائی گئی، جب میری کمر میں شدید درد تھا تو مجھے جان بوجھ کر بکتر بند گاڑی میں لےجایاگیا، اگر ہائیکورٹ نے لسٹ سے نام نکالنے کی اجازت دی تو پیر کو لندن میرے چیک اپ کے لئے اپائنمنٹ ہے۔
پاکستان مسلم لیگ (ن) کے صدر شہبازشریف نے بیٹ رپورٹرز سے ملاقات میں گفتگو کرتے ہوئے کہا کہ اس حکومت کو عوام کی کوئی پرواہ نہیں، اسے صرف انتقام کی پڑی ہوئی ہے، اس سے زیادہ بدترین اور فاشسٹ حکومت کہیں نہیں دیکھی، نیب نیازی گٹھ جوڑ کا فقرہ میں نے شروع کیا، اب بشیر میمن نے اس پر مہر لگا دی ہے، عمران خان اپوزیشن کو ختم کرنا چاہتا ہے، اپوزیشن کو چور ڈاکو کہنے کی بجائے عوامی مسائل کے حل پر توجہ دیتا تو حالات مختلف ہوتے، میں نے دو بار چارٹر آف اکنامی کی بات کی تو این آر او کا الزام لگادیاگیا، کھوکھلے اور جھوٹے نعروں سے آج ملک کو تباہی کی اس نہج تک پہنچادیاگیا۔
شہباز شریف نے کہا کہ کورونا آیا تو تمام وسائل اور توانائیاں ویکسین کی خریداری پر لگا دیتے، وزیراعظم اور وزرائے اعلی سمیت سب کو نکلنا چاہیے تھا، ہمیں بھی ڈینگی کا کچھ علم نہیں تھا لیکن ہم نے اپنا سارا زور لگا دیا، آج عوام رو رہے ہیں، ادھر سی پیک پر کام بھی بہت سست ہوچکا ہے جو اس حکومت کی ناکامی ہے، نواز شریف کے دور سے یہ ایک انچ بھی آگے نہیں بڑھا، جس قوم کو خوشحالی چاہیے، اس کی قیادت اگر سی پیک میں سے کیڑے نکال رہی ہو تو کیسے کام چلے گا، عمران نیازی اور پی ٹی آئی نے سی پیک کے خلاف بیان دیے اور جھوٹ بولا کہ یہ 8 فیصد کی بھاری شرح پر قرض ہے، حالانکہ سچ یہ تھا کہ صرف 2 فیصد پر کچھ قرض تھا اور باقی سب سرمایہ کاری تھی، جس بات پر چین کا شکریہ ادا کرنا چاہئے تھا پی ٹی آئی نے ان کے خلاف بیانات دیے۔
شہباز شریف کا کہنا تھا کہ گزشتہ روز چینی سفیر نے ملاقات میں مجھ سے پنجاب سپیڈ کی بات کی، میں نے چینی سفیر سے کہا کہ پنجاب سپیڈ کی بات نہ کریں، اس کی وجہ سے میں دو دفعہ جیل سے ہو آیا ہوں، چینی سفیر نے کہا کہ نواز شریف پاک چین دوستی کے سب سے بڑے قائل ہیں اور ہم پرانے دوستوں کو بھولتے نہیں ہیں۔
صدر ن لیگ نے کہا کہ میرا نام ای سی ایل پر نہیں ہے لیکن اس حکومت نے میرا نام بلیک لسٹ میں ڈالا ہوا ہے، کیا میں بلیکیا ہوں، میری طبیعت خراب تھی تو بہت تکلیف پہنچائی گئی، جب میری کمر میں شدید درد تھا تو مجھے جان بوجھ کر بکتر بند گاڑی میں لےجایاگیا، اگر ہائیکورٹ نے لسٹ سے نام نکالنے کی اجازت دی تو پیر کو لندن میرے چیک اپ کے لئے اپائنمنٹ ہے۔