اشرف غنی نے فیس بک پر طالبان کی حمایت میں پوسٹ کرکے ڈیلیٹ کردی

کابل: سابق افغان صدر اشرف غنی نے فیس بک پر ایک پوسٹ میں عالمی برادری سے طالبان حکومت کو تسلیم کرنے اور ساتھ دینے کا مشورہ دیا تھا تاہم فوری طور پر پوسٹ حذف بھی کردی۔

سابق صدر اشرف غنی طالبان کے افغانستان کا کنٹرول حاصل کرنے کے بعد کابل سے فرار ہوکر متحدہ عرب امارات پہنچ گئے تھے اور اپنے فرار ہونے کی وجہ خون ریزی سے بچنا بتایا تھا۔

آج اشرف غنی کے فیس بک پر ایک پوسٹ کی گئی تھی جس میں انھوں نے عالمی برادری سے افغان طالبان کی حمایت اور افغانستان کے منجمد اثاثے بحال کرنے کی درخواست کی گئی تھی۔

عاجل
صفحه فیس‌بوک رسمی داکتر محمد اشرف غنی، هک گردیده. الی دوباره بدست آوردن آن، محتویات نشر شده از دیروز بدینسو در صفحه فیس‌بوک فاقد اعتبار می‌باشد.

— Ashraf Ghani (@ashrafghani) September 27, 2021

اس پوسٹ کے کچھ ہی دیر بعد سابق صدر اشرف غنی نے اپنے ٹوئٹر اکاؤنٹ پر وضاحت کی کہ ان کا فیس بک اکاؤنٹ ہیک کیا گیا ہے اور اب اس اکاؤنٹ سے ہونے والی کسی پوسٹ سے ان کا کوئی تعلق نہیں ہے۔