کسی خونی اور فسادی احتجاج کی اجازت نہیں دیں گے مریم اورنگزیب
عمران صاحب، عوام آپ کا منافق چہرہ پہچانتی ہے اس لیے وہ مہنگائی اور بے روزگاری بڑھانے والوں کی کال پر کیوں نکلے گی؟
(فوٹو: فائل)
کراچی:
وزیر اطلاعات مریم اورنگزیب نے کہا ہے کہ عمران صاحب! عوام آپ کا منافق چہرہ پہچانتی ہے، عوام مہنگائی کرنے اور بے روزگاری بڑھانے والوں کی کال پر احتجاج کے لیے کیوں نکلے گی؟
ایکسپریس نیوز کے مطابق وزیر اطلاعات مریم اورنگزیب نے تحریک انصاف کے چیئرمین عمران خان کی احتجاج کی کال پر ردعمل میں کہا ہے کہ عمران صاحب! عوام آپ کا جھوٹا اور منافق چہرہ پہچانتی ہے، سازشی بیانیہ دفن ہونے کے بعد 25 مئی کا بھگوڑا اب اپنی دی ہوئی مہنگائی پر فتنہ و فساد پھیلانا چاہتا ہے۔
انہوں نے کہا کہ عوام ملکی مفاد کو چند ہیروں کے عوض بیچنے کی کال پر کیوں نکلے؟ عوام جھوٹے فتنہ، منافق اور چور کی کال پہ کیوں نکلے؟ عوام چار سال مزدور کی مزدوری اور عوام کی روٹی کھانے والے کی کال پر کیوں نکلے؟ مہنگائی، معاشی تباہی اور بے روزگاری کے ذمہ داروں کی کال پر عوام کیوں نکلے؟
انہوں نے کہا کہ آٹا 35 سے 90 روپے کرنے، چینی 52 سے 120 روپے کرنے والوں، خونی مارچ کی کال دینے والوں، پولیس والوں کو گولیاں مارنے والوں، ملک کو تین حصوں میں تقسیم کرنے کی ہرزہ سرائی کرنے والوں، عوام کو تاریخی مقروض کرنے والوں، کشمیر فروشوں کے لیے عوام کیوں نکلے؟
وزیر اطلاعات نے مزید کہا کہ حکومت ملک کی معاشی سمت درست کر رہی ہے، کسی خونی اور فسادی احتجاج کی اجازت نہیں ہوگی۔
وزیر اطلاعات مریم اورنگزیب نے کہا ہے کہ عمران صاحب! عوام آپ کا منافق چہرہ پہچانتی ہے، عوام مہنگائی کرنے اور بے روزگاری بڑھانے والوں کی کال پر احتجاج کے لیے کیوں نکلے گی؟
ایکسپریس نیوز کے مطابق وزیر اطلاعات مریم اورنگزیب نے تحریک انصاف کے چیئرمین عمران خان کی احتجاج کی کال پر ردعمل میں کہا ہے کہ عمران صاحب! عوام آپ کا جھوٹا اور منافق چہرہ پہچانتی ہے، سازشی بیانیہ دفن ہونے کے بعد 25 مئی کا بھگوڑا اب اپنی دی ہوئی مہنگائی پر فتنہ و فساد پھیلانا چاہتا ہے۔
انہوں نے کہا کہ عوام ملکی مفاد کو چند ہیروں کے عوض بیچنے کی کال پر کیوں نکلے؟ عوام جھوٹے فتنہ، منافق اور چور کی کال پہ کیوں نکلے؟ عوام چار سال مزدور کی مزدوری اور عوام کی روٹی کھانے والے کی کال پر کیوں نکلے؟ مہنگائی، معاشی تباہی اور بے روزگاری کے ذمہ داروں کی کال پر عوام کیوں نکلے؟
انہوں نے کہا کہ آٹا 35 سے 90 روپے کرنے، چینی 52 سے 120 روپے کرنے والوں، خونی مارچ کی کال دینے والوں، پولیس والوں کو گولیاں مارنے والوں، ملک کو تین حصوں میں تقسیم کرنے کی ہرزہ سرائی کرنے والوں، عوام کو تاریخی مقروض کرنے والوں، کشمیر فروشوں کے لیے عوام کیوں نکلے؟
وزیر اطلاعات نے مزید کہا کہ حکومت ملک کی معاشی سمت درست کر رہی ہے، کسی خونی اور فسادی احتجاج کی اجازت نہیں ہوگی۔