کھانے کے ساتھ پلاسٹک کی تھیلیاں دریا میں پھینکنے پر ریشم کو ٹرولنگ کا سامنا
مچھلیوں کو کھانا تو کھلا رہی ہیں مگر انہیں مارنے کیلئے پلاسٹک بھی دریا میں ڈال رہی ہیں، سوشل میڈیا صارف
ریشم کو دریا میں گوشت اور روٹی ڈالتے دیکھا گیا(فائل فوٹو)
پاکستان کی معروف اداکارہ ریشم اپنی روز مرہ زندگی کے حوالے سے سوشل میڈیا پر آئے دن ویڈیوز پوسٹ کرتی ہیں جو وائرل ہوتی رہتی ہیں۔
حال ہی میں اداکارہ نے ایک نئی ویڈیو اپنے سوشل میڈیا اکاؤنٹ پر شیئر کی ہے جس میں انہیں دریا میں مچھلیوں کو کھانے ڈالتے دیکھا جا سکتا ہے۔
ایک صارف نے لکھاکہ 'ان کا اعتماد سے پلاسٹک اس طرح پھینکنا ظاہر کرتا ہے کہ ماحولیاتی آلودگی اور اس کے نقصانات کا ان کو کوئی اندازہ نہی، یہ وہ عمومی رویہ ہے جس کا خمیازہ ہماری زمین بھگت رہی ہے'۔
ریشم نے ناقدین کو جواب دیتے ہوئے اپنے ایک بیان میں کہا ہے کہ وہ چارسدہ میں سیلاب زدگان کی مدد کیلئے گئی ہوئی تھیں، 2 مرتبہ کورونا کا شکار ہوچکی ہیں جس کی وجہ سے ان کا دماغ غیر حاظر تھا اور ان سے یہ غلطی ہوگئی۔